مرجح الميزان
الشاعر اللي ما تعدى .! من طحي إليا >>> سنام = يا مرحبا به .. والبقا به .. مار لا يشره علي
والعلم لا يشره علي ولا يلحقني ملام=اليا اعترض لي فالسعه ثمن توطاه جملي
ناصر الجلاه
ياشاعرٍ ٍ في وسط عروى محتزم بأقشر حزام = ادخل على الله يالمقاطي لاتعرضها الخلي !!
بعض السوالف مايساوي وزنها كيلو جرام = وانته تبى ذبح الجمل وأنته ما ذكيت الطلي !!
مرجح الميزان
المملكه وملوكها ما تنتقارن بالعوام=تدري عتيبه مثل ما تدري جهينه مع بلي ..!
خلك معي وليا نشدتك لا تدرق فالظلام=هرج الصراحه يالعصيمي فالعرب ما له حلي
ناصر الجلاه
لاتحسب إنك يالمقاطي فالبلد مثل الامام = الفعل يكتب بالذهب (لأبن حميد).. الاولي .. :)
أنا معك والمحترم يفرض علي الاحترام = وإن كان ضاع الاحترام اقليك فالشعله قلي !!
مرجح الميزان
هيد ..وتركد .. واستمع .. قدام لا اتل الخطام=السالفه يابن الجلاه المودماني ما يلي
الشايب اللي باع له شعرة وجه .! لإبن الحرام=وش حكمها فالمذهبين الشافعي والحنبلي ..؟!
ناصر الجلاه
اعوذ بالله من من بليس ومن ضواغيث الحلام = اللي تحد الأدمي يفور دمه ويغلي !!
رقدت 10 أعوام والليله تبى تصح النيام = كمل سباتك يالمقاطي بالهنا ومجملي !!
مرجح الميزان
الحمد لله ع الشداد ولا تسلوقت المسام=مار الحميا نارها بين المحاني تصطلي
ازعل ليا مني لقيت فمرقبي ريش النعام=يوم إن ولد اللاش يرقد لو لمس خشمه خلي
ناصر الجلاه
ولاعلينا زود حنا قوم مروي الحسام = لاثارت الهيجا على الميعاد قومٍ نصملي !!
بعص المخايل ماتجيب ألا الذواري والعسام = ماني ماخايل برقها والرزق من كف الولي !!
مرجح الميزان
شكرا جزيلا لستماع الدرس يالطالب "حسام"=سلم على بابا .. ! وقله : شيخنا قد قال لي
إن النشاما من طبايعهم ليا شد الزحام=لو صابهم جوع وعنا ما يذبحون الأعزلي
« آخـــر الـــمـــشـــاركــــات »
26-Nov-2009, 11:19 AM
العرض المتطور
