كبتن عتيبه
سلام دام العيد باقي له نهاريـن=حبيّت أعايدكم قبل عيد الضحيّه!!
والمدفع اللّي تزهبونه يالشيابيـن=ماصاد قوم ولا رقدتوا من دويّه!!
شبل الهيلا
يامرحبا وانته من الربع العزيزيـن=اقلط واخذ فنجـال دلـة شاذليـة!!
مدفاعنا مصنـوع ضـدٍ للمعاديـن=عانة محطم يابيض الشارب سرية!!
كبتن عتيبه
يالاد شيبان اشتهرتـوا بالسكاكيـن=مافيـه شيبانـي ماعنـده نافعيـه!!
مدري على ايداكم نحصّل نصرة الدين=والاّ على ايداكـم تعـود الجاهليـه!!
شبل الهيلا
رمز الشجاعة للرياجيل الشجيعيـن=مير انتبه ....والنافعية في يديـة!!
الجاهلية ميته مـن عـام عشريـن=من سيف اخو نورة زعيم اليعربية!!
« آخـــر الـــمـــشـــاركــــات »
24-Nov-2009, 11:41 PM
العرض الشجري