العمــــــدة
اللعب بالنار ما يفتح مشاريع=يـرّث ندامة وعاقبته وخيمه
كذاب من قال يثّر فالاصابيع=تأثيــره اكبر ونكباته عظيمه
النشمي
العز بالسيف وخشوم المدافيع= اما تحقق نصر والا هزيمه!!
من لايطيعه زمانه لازم يطيع= وانته عسى نيتك نيه سليمه!!
العمــــــدة
ما جابك الا القدر وانت المواضيع=عنوانها فيــك راسً يالصتيمه
على القرانيس ضحكت الجرابيع=والجو من عقب صفوه فيه غيمه
النشمي
اللي بليا دليل يتوه ويضيع=لكن خلك على حشمه وقيمه!!
اللي مايقوى الحراره زبده يميع=لايدخلك شك يارع الوسيمه!!
العمــــــدة
ضرب السيوف الصقيله والفواريع=مشهود بالعين يا مال الغنيمه
خايف علاقاتنا تحتاج تطبيــع=بكره ليا لد كلً في بريمه
النشمي
مالي بكم يا مولدة المضاريع= لا تشهد الزور وتسوي ظليمه!!
نشري مع اهل الوفا بالصدق ونبيع= ومن ينتقدنا خبل وامه عقيمه!!
العمــــــدة
ام الكباير لها عـــون وتبابيع=واكثر معاوينها يكنى عليمه
لا تشتري فالجديد وفالقرابيع=الفرق بين الجديدة والقديمة
النشمي
فكيت بابك على كل المصاريع=والسمن والسم في جوف الوليمه!!
السلعه اللي تباع بدون تقنيع= دلالها مرتكب ذنب وجريمه!!
« آخـــر الـــمـــشـــاركــــات »
09-Nov-2009, 09:48 AM
العرض المتطور
