مرثية عايض بن مسفر القوبع في الشيخ محمد بن زايد

[عايض القوبع]

يا محمد صاحبي المعذرة و العفو=طالت الغيبة وربي يعلم أسبابها
لكن البارح هواجيسي الشرد لفو =واقلطوا في حلة(ن) مايقرقع بابها
جتني الأخبار والجو في ليلي صفو=واختلط صادق عربنا على كذابها
ماقنعت ألا بعد رددو لي واحلفو=بالعلوم اللي يشق الحشا مضرابها
قالواالشيخ المسمى سبوره شرفو=والأمانة ربها ردها لترابها
راح ابن زايد وابن زايد ونعم وكفو =عد ماتنقش حروف القلم بكتابها
المعرف يوم خطلان الأيدي عرفو=المميز بين ضلعانها و هضابها
المقدم عند ربعه على عز ولفو=مانوى له حاجة ألا بعرفه جابها
المقدر في مكانه ولو غيره طفو =ما خطا له خطوة ألا يعرف حسابها
الموفق في نواياه لو هو في سفو=ماتبع هقوات نفسه ولا هندابها
المجند لأجل دينه ما يهنا له غفو =لين يسجد سجدة(ن) بالريا ماشابها
المشرف في بلاده مثل من شرفو =خدمة الدولة وياسعد من يحضابها
خدمته ستين ماناشها شك وهفو =ناصعة بيضاء تماري على مرقابها
شاهده سلمان لو الأوادم ولفو=جامعة حكم السعودية لطلابها
ما نعده مات دام النشاما خلفو =الحرار اللي على الطيب شف ركابها
العوض فيهم وهم كفولامن وقفو=واصلو سيرة شرف فالزمن يزهابها
ياعساه بجنة الخلد ريضان ودفو =مع كرام الخلق في جنة(ن) يهنابها