ياحــــاكم العام قلنا فيك دنيا ودين .....واليوم ماتقرب المسجد ودينك ردي

[معجب العتيبي]

علي فلاح العضياني

ياحاكم العام قلنا فيك دنيـا وديـن=واليوم ماتقرب المسجد ودينك ردي
الله ينفع بك الاسـلام والمسلميـن=ولاّ يعرضك طلقة بندق المعتـدي

حاكم الغنامي

الحمد لله وانا مؤمن مع المؤمنيـن=لله اصلي واصوم ودايم ارفع يـدي
مشكاي لله عسى ربي عليكم يعيـن=اللي رفع منزلي بين القمر و الجدي

علي فلاح العضياني

تراك مقسم على المصحف وحالف يمين=لتسير فالدرب الايمن عنـه ماتحتـدي
وانته عطـاوي ليـا زودتهـا حبتيـن=نذبحك فالحج الاكبر مثل ذبـح الفـدي

حاكم الغنامي

حلفت والناس قدمي كلهـم حالفيـن=اللي يقدم يمينـه لايخـون اعهـدي
مخبر عطاوي على مثلك حدته السنين=منته بقبلي مكانـك فالوجـود بعـدي

علي فلاح العضياني

في قسم الاشراف مايصلح مع المشرفين=اللي في بندر ولـد مصقـال مايقتـدي
لوما يدلونك العضيان فـي كـل حيـن=تايه ومنجوم في عـز النهـار تغـدي

حاكم الغنامي

في قسم الاشراف حنا نكفي الغايبين=مرزوق يدري ويدري بندر المرشدي
الطيب سلمك وسلم جدودك الاوليـن=لاشفتني من بعيد اقبلت جيت اتعدي

علي فلاح العضياني

لو كان الك عقل ياحاكم وقلبٍ فطين=ماقالو الناس هذا.. ابن حلال اجودي
شاعر عتيبه زمان فات عبدالمعيـن=ماله شبيـهٍ يحاليلـه ولالـه لـدي

حاكم الغنامي

منته معي يوم بدر ويوم غـزوة حنيـن=يوم الفشق والرصاص تقول ضرب بردي
سموا علـى كيفكـم ياربعنـا العارفيـن=مع بعظكم في بلدكـم والبسـاط احمـدي

علي فلاح العضياني

من يجحد الطيب مايحسب من الطيبيـن=الله يالمزحمي يخلـف علـي اجهـدي
ان عشت ابا ادحمك فالماقف بجنب متين=وان مت والله لا اوصي عـلاك ولـدي

حاكم الغنامي

حنا الاسود الضياغم محتمين العرين=وانت بدويٍ على زملك ماغار تحدي
ماهي غريبه عليك تثور المعتديـن=نذكر سواتك مع عيالك قصي وعدي

التوقيع