][®][^][®][الـنشـمـي / تـحـت دائـرة الضـوء ][®][^][®][

[علي الثبيتي]

المشاركة الأصلية كتبت بواسطة سعود العصيمي

ضيفنا االعزيز والغير عادي الشاعر العملاق /علي الثبيتي (النشمي)
السلام عليكم ورحمة الله وبركاته
وبعد التحية الطيبه


وعليكم السلام ورحمة الله وبركاته

آ مل الاجابة على الاسئلة التالية:
بدون دبلوماسية وبعيدآ كل البعد عن المجاملة يابو فهد.

تفضل يابو طايل


السؤال الاول: _ فقرة (أ)

يقول الناقد والمحلل وحي العقل نستضيف هذا
الاسبوع شاعرٍ يعد أحد امهر شعراء الهيلا واقواهم على الاطلاق ,, شاعرٍ يمثل مايكتب
الانموذج الامثل للابداع ,,, له خـبرته الطـويلة وتجـربة الثرية الحـافلة بكل
ماهو جيّد في عالم الشعر ,,, شاعرٍ يحق لشـبكة منتـديات الهيـلا
الفخر باحتضانه واحتواء موهبتة الفذة ,,, شاعرٍ باختصار
اكبر من اي مقدمات:
وانت كفو ويليق بك كل ماذكر اعلاه : لماذا لم يضعك عند تقييمه لشعراء المنتدى رقم (1) دامك اقواهم على الاطلاق ؟

تقييمه لشعراء له فتره طويله ويمكن المستوى تحسن عندى وانا مدري؟؟؟ الاجابه الكافيه
على هذا السوال يمتلكها وحي العقل


فقره(ب) هل ترا إن قرب أو بعد معنى الشاعر مهما تعددت محاوراته يكون سلبي عليه؟


اذاء كان معناه مكشوف ويقصدبه شخص معين اكيد بيكون له سلبيات



السؤال الثاني (أ)_ أنا من المتابعين ومن المعجبين بالشاعرين العملاقين : الشاعر/ سعود البرقاوي والشاعر/ العمده
وارى انهما من افضل شعراء المندى عندما يتواجدون هل ترا إنهما يستحقان وسام النخبه بدون تردد؟

فيه طاروق بين عقاب وسعود والبدايه قويه والرد اقوى اذاء استمرو بنفس القوه يستحقون وسام النخبه



(ب) أيضآ يقول وحي العقل فواز السعيدي / قوي ومبدع ومحترف في زرع اللالغام ,,, لاينقصه عن شعراء المجموعات
الاولى سوى المستوى ,,, ؟هل لديك تفسيرلهذ المقال ، اذكره؟
فواز شاعر متمكن ولكن المستوى فيش فالمعني والا في تركيب الابيات مافهمت قصد وحي العقل




السؤال الثالث (أ)

حسب وجهة نظرك وخبرتك الطويلة :
1-هل اقوى شاعر الفتل أم شاعر النقض ؟ وايهما اقرب للشاعر النشمي
وجهة نظري شاعر النقض


2-
الشاعر الكبير بندر المرشدي : له تعليق كما ذكر على ابياتك التالية:


(أ) اثبيت ساس البيت مثل النجم فوق
وانته من اللصه ولنته صراري!!

ثبيت ساس البيت هاذي جمله مثال لو قلت منهم ثبيت قلتلك ثبيت ساس البيت
ومثل النجم فوق ؟ يعني روس عتابه ومرجع عتابه


(ب ) طيع شـوري لاتـدور للكـوارث والمصيبـه
تجرفك في دربها وانت السبب وانت السبايب!!




هل ترا إن نقده أو تعليقه في محله؟
لا تنه عن خلقٍ وتأتي مثله ... عارٌ عليك إذا فعلت عظيم
ابدأ بنفسك وانهها عن غيها ... فإذا انتهت عنه فأنت حكيم
فهناك يقبل ما وعظت ويقتدى ... بالعلم منك وينفع التعليم

هاذي بعض ابيات بندر المرشدي
الموجز موضح (ومشروح مشروح)والتهمه الاخرى نصيب التهامي
وهذا شطر من بيت ؟ كان مافيه للموضوع (بصر وبصيره)
وهذا شطر اخر؟ ياصاحبي ياصاحبي ) مابه ذلول بلا رسن

واللي ؟بعدها بعدها )نبا نسوق المعاني






السؤال الرابع اليك هذه المحاورة:

مقعد الدغيلبي =

يالعصيمي ودي اعلمك في علمٍ طرالي=استمع للاوله والثانيه والي بعدها
لايزال الوضع باقي يابو طايل لايزالي=ليلنا دوب استوى والباقيات امر وادها

سعود العصيمي =

وش طرا لك يالعتيبي هات علمك لاتبالي = قالوا العراف من دور على حاجه وجدها.
الهبايب مايغير صفقها صم الجبالي = والبيوت ام العمد ماقامت الا من عمدها

مقعد الدغيلبي =

والله انا مانوقفها على جرفٍ هيالي=يالعصيمي لاتورد حجه الا مع سندها
الرخاوه في جمالك والصلابه في جمالي=والعيون ام الرمد ياسعود طاولها رمدها

سعود العصيمي =

عدها واعتدها والا تريح لاتلالي = العصيمي كم وكم من كبد شجعانٍ لهدها.
يابن منعر وش مصير النار مع وبل الخيالي = ياعسى روحك مع ايام السعد تلقى سعدها.

مقعد الدغيلبي =

وقعت فالكبد مدري وقعت وسط الطحالي=والمطيه موتها ماهوب من موتت ولدها
لايطول بك النقاش ولايطول بك الجدالي=والعقارب تلوي الاذناب والسم بغددهـا

سعود العصيمي =

ان بغيت الحرب فوق الغرب لا تطلب بدالي = العدود الراهيه تروي ويروى من وردها.
وان بغيت الثانيه فالثانيه مالك مجالي = اعرف اني ياصحيبي نمر للغابه وسدها.

مقعد الدغيلبي =

وقتوها بالغروب ووقوتوها بالزوالـي=بيئس للاصنام والي ياولد عاصم عبدها
خابرين البن معباره مع حلوق الدلالي=ماتدوم النعمه الا للواحدٍ قام وحمدهـا

سعود العصيمي =

لاتعاندي ترا مانته بعم ولانـت خالـي=المجازر فيك مني من يبا يحصى عددها
الله يبارك بابن غانم وابو زيد الهلالـي=الليالي السود تخبر بالحقايق من نشدها.

يقول ابوفايح عندما عندما نأتي للسياسه
نجد الابداع من مقعد .
هل ترا إن معنى المحاورة سياسي.
وتوافق ابو فايح في وجهة نظره.؟

اسلوب ابو فايح يحلل معنى لجل يحصل على المعنى الاساسي



السؤال الخامس (أ):


اكتب صفتين يتحلا بهما في شعر المحاورة كلآ من الشعار التالية اسمائهم
حتى ولو كان يتحلا بها اكثر من شاعر.

1-ابن سرحان السراحه وقول الحق والعناد في سبيل الحصول على المقصود
2-سلطان بن دحيم استخدام القوه والتضحيه
3-مرزوق الدغيلبي المناوره عن بعد
4-بندر المرشدي العنصريه والغرور
5-عيد العازمي الاخلاق والسياسه
6-سلطان الجذع المكر والدهاء
7-سعود العصمي المجامله على حساب الاخرين
8- حمود برجس الاصتياد في الما العكر
9- عقاب العنزي الاستدراج والمراوغه
10 ذيب عروا مقاتل بدون سلاح
11-فواز السعيدي استغلال الفرص



(ب) اذكر ثلاثة شعراء ترتاح للعب معهم.


1-عيد العازمي


2-ابو لمار

3-سعود العصيمي


بدون قصور فالباقين




هذا مالدي بعد ترتيب الاوراق يابوفهد
ودمت بكل خير
ولك ني ارقا التحيا والتقدير.

حياك الله يابو طايل