ناصر الجلاه =
ياسلام الله سلامٍ من لساني يـوم اقولـه=ينقصر رده عن اللي بالتحيه مايـرده !!
كان حاكم يطلق اللحيه ويكرم في سبوله=لايعذرب فالرجال اهل القنا وأهل الاشده !!
حاكم الغنامي =
مرحبا ترحيبةٍ مثل المطر حزت هطوله=والمطر حزت هطوله ياجماعه من يعده؟
دوب يمناي الكريمه من دواديك مغسوله=والرجال اهل القنا مافيه ريـعٍ ماتسـده
ناصر الجلاه =
البقا وإن كان يجري في حساباتك عمولـه=بيع واشتر وانت جلاب المعيشه والمكده !!
الهزيله يوم تحر ث حد سيف أهل البطولـه=والجزيله يوم احط السيف في حلقك وحده !!
حاكم الغنامي =
ناصر اللي طال راسـه عقـب ماحنّـت ذلولـه=والله انّـا مانسينـا يـوم عـن دربـه نـحـده
انت لامنك وليت وصـار الـك صولـه وجولـه=في هذاك الوقت امانه (حاكم اول راس بده )!! :)
ناصر الجلاه =
وش يقول اللي عن الجزلات كفيه مغلوله=حاكم اللي كل حيدٍ معتلي حيله يهـده !!
الله الوالي وأنا يكفي وليتـك بالرجولـه=ياليتيم اللي دموعه مغرقه كمه وخده !!
حاكم الغنامي =
صعبة لمثلك وحاكم دايم الجزلـه فعولـه=ماهي بحاجه غريبه ورث ابوه وورث جده
الكلام اللي تقولـه والله انـك ماتطولـه=عقب هذي خل نفسك للمواجه مستعـده؟
ناصر الجلاه =
خيلت فوقك مخيله والغضـب هلـت ثعولـه=عقبها حان الكلام اللي مزاحه غير جـده !!
والله إن عقدتك ياحاكم ليـا قمـت محلولـه=اسر ليلك لو ناصر صاحبك ما انته ب /نده !!
حاكم الغنامي =
من عرف ناصر يبا يعرف طلوعه من نزوله=والثعـول خيـال صيـفٍ مانـراه ولانعـده
ليت ربي ماخلق ناصر عتيبي مـن حمولـه=كان اقول اله الكلام المعتبـر وابيـح سـده
ناصر الجلاه =
من وسع صدره يشيل الجمر الاحمر في حثوله=وإن نويته نون عينه في طريقـي مايلـده !!
احمد الله من رجـالٍ نالـت اللـي ماتنولـه=لاتمد لسانـك اللـي فعـل كفـك مايمـده !!
حاكم الغنامي =
الشجيع اللي فهق عن جرة الشاوي خيوله=من صلابة راس صد وعادته محدٍ يصـده
ويش نلتو غير فلمٍ يحرج العاقل فصولـه=كل مايطري عليك تدس وجهك فالمخده:)
ناصر الجلاه =
لا تكلم وأنت كبدك من حرارتها معلوله=انت تصنع في كلامٍ عندنا بالفعل ضده !!
لاحداك الوقت تزبني وانا اعطيك السيوله=مثل ماجدك زبن جدي وبالارزاق مده !!
حاكم الغنامي =
قد عطيتك علم ياناصر وهذا اليوم حوله=قلتلك لاعاد تهرج في كلامٍ منـت قـده
الجمل شقران مايبرك ولو زادو حموله=مثل حرٍ في يد الصقار لّلـلازم يهـده
ياسلام على الفتل والقض
الراائع
هذا اللعب واللآ بلالاش،
ناصر الجلاه
حاكم الغنامي
صحت السنتكم
حتى ترضوون.
محاورة قمة قمة.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
18-Oct-2009, 10:04 AM
العرض المتطور
