الاولة سلام يأهل الحفل واللي حاضرين .. من هاجس(ن) لامن نخيته ما يجيب إلا الثمين

[حمود غنام المرزوقي]

كل عام والجميع بخير .
..
..
قدمت لنا الدعوة وحضرت مع مجموعة من الشعراء .
..
..
في حفل الشاب/ ناصر بن مريزيق المقاطي العتتيبي.
..
..
وكانت هذه (الشيلة ) في بداية الحفل .

الاولة سلام يأهل الحفل واللي حاضرين = من هاجس(ن) لامن نخيته ما يجيب إلا الثمين
أسمو بشعري واعتني به قبل نقد الناقدين = قصايدي لأقلتها ما عاد يلحقها كلام
والثانية جينا على حسب العوايد والسلوم = لأصحابنا اللي جعل فرحتهم وجمعتهم تدوم
لهم علينا وجبات اليا بدا وقت اللزوم = والنا عليهم مثل ما تبغا الكرام من الكرام
والثالثة حنا البقوم اليا عوى ذيب(ن) لذيب = نمشي على وضح النقا بالطيب والا بالغصيب
وانتم عتيبة مثل نجم الجدي دايم ما يغيب = كلمة نعم ما تنجحد في الحرب وإلا في السلام
انتم عتيبة من وراء الغطغط الى أقصى مدركة = ما جاتكم حبة خشم من معركة في معركة
هذا كلام(ن) يا عتيبة كل عاقـل يـدركه = مـن غير قاصر في القـبايل تستحقـون الوســام
وكل القبايل كالجبال وكل ضلع بقمته = سوات ما قال الرسول الخير باقي في أمـته
ما أحد(ن) يذم الناس غير اللي بيظلم ذمته = الناس كل(ن) له مقامه يارفيعين المقام
والرابعة مبروك يا ناصر عدد وبل السحاب = واعداد ما خط القلم بالحبر صفحات الكتاب
والسيف قوة سلته يأهل المعرفة في النصاب = وانته سوات السيف قوة من خوال ومن عمام
أوصيك بالتقوى ترى التقوى هي الحصن الحصين = ليا حفظنا الله حفظنا من يسار ومن يمين
الله خلقنا مسلمين وفي ديار المسلمين = والمحترم يفرض على كل الرجال الاحترام
والخامسة دامت بلادي منبر الدين الحنيف = بقيادة الرجل الموفق صاحب القلب النظيف
يعيش أبو متعب شموخه كنه الضلع المنيف = سوات ضلع(ن) قمته من فوق هامات الغمام

حمود غنام المرزوقي

آخر تعديل حمود غنام المرزوقي يوم 02-Oct-2009 في 09:24 AM.

[حاكم الغنامي]

الله الله


صح لسانك ياحمود

مبدع مبدع

التوقيع

سبحــــان الله وبحمدهـ hakem81@live.com

[راع العبيه]

الله الله
ابيات جميلة الله يوفقك

[عمر الدغيلبي]

صح لسانك ياحمود

وبيض الله وجهك

وكفيت ووفيت

ولاتبطي بالجديد

احترامي

[حمود غنام المرزوقي]

المشاركة الأصلية كتبت بواسطة حاكم الغنامي

الله الله


صح لسانك ياحمود

مبدع مبدع

شكراً أخوي حاكم الغنامي

لاهنت على المرور تحياتي

[فايز بن سرحان الثبيتي]

انتم عتيبة من وراء الغطغط الى أقصى مدركـة
ما جاتكم حبة خشم من معركـة فـي معركـة
هذا كـلام(ن) يـا عتيبـة كـل عاقـل يدركـه
من غير قاصر في القبايـل تستحقـون الوسـام



الله الله ياحمود




وافي صح لسانك يالقرم

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[حمود غنام المرزوقي]

المشاركة الأصلية كتبت بواسطة راع العبيه

الله الله
ابيات جميلة الله يوفقك

راع العبية تسلم أخوي على المرور


تحياتي وتقديري لاهنت

[طلال ناشي]

والثالثة حنا البقوم اليا عـوى ذيـب(ن) لذيـب
نمشي على وضح النقا بالطيـب والا بالغصيـب
وانتم عتيبة مثل نجم الجـدي دايـم مـا يغيـب
كلمة نعم ما تنجحد في الحـرب وإلا فـي السـلام



صح أللسااااانك يالمرزوقي


ومعليك زود ونعم فيك وفي ربعك


أبيض وجه كفيت ووفيت

والله شديتني معك أبياااات حماسيه


تحيااااااااتي

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[حمود غنام المرزوقي]

المشاركة الأصلية كتبت بواسطة عمر الدغيلبي

صح لسانك ياحمود

وبيض الله وجهك

وكفيت ووفيت

ولاتبطي بالجديد

احترامي

أخوي عمر الدغيلبي صح بدنك

ولاهنت ان شاء الله جاي الجديد


تحياتي وتقديري.

[حمود غنام المرزوقي]

المشاركة الأصلية كتبت بواسطة ابن سرحان الثبيتي

انتم عتيبة من وراء الغطغط الى أقصى مدركـة
ما جاتكم حبة خشم من معركـة فـي معركـة
هذا كـلام(ن) يـا عتيبـة كـل عاقـل يدركـه
من غير قاصر في القبايـل تستحقـون الوسـام



الله الله ياحمود




وافي صح لسانك يالقرم

شكراً أخوي الله يعطيك العافية

على المرور الجزل لاهنت