جاتكم يا عتابه

[شاعر المحيط]

جيت لعتيبة الهيلا ,مسلم,معيّد=ضيف واقف ببيت الجود ما طق بابه
أما نقدع من الجزلات ولا نحيّد=قلتها قبل نبدا"جاتكم يا عتابه"

[آلاد غنـــام]

العتيبي عن الماجوب ماهو مقيد//////مرحبا عد ماحنت رعود السحابه

************************************************** ***
انت شاعر ولكن للشعر جاك سيد////بس لوّك تعلمنا من ايات لابه

[شاعر المحيط]

البقا يا مرحب ,بالمواجيب جيد=ما يحب القنيب , إلا حلوق الذيابه
من جنوب الوطن , للشعر جيت امتصيد=وكل رجلٍ على ما قيل يعرف زهابه

[آلاد غنـــام]

لو نشدنا مفرح عن سوالف سعيّد ////كيف غابت عن سعيد عيون الرقابه

************************************************** ********

لاتعارض بعينك وانت قلبك مؤيد /////نعرف الديره اللي بين ظلعٍ وغابه

[خلف الروقي]

يعطيكم العااااااااااافية


وانا ماااااااني شاعر





دمتم بود

[آلاد غنـــام]

انت طيب ابو سالم وحنا كلنا نتعلم شكرا

[شاعر المحيط]

يابن غنام قصر العز دايــــم مشيد \\ تحت حد السيوف وفوق حبر الكتابه
ليش تظلم مفرح وانت عندك عويد \\ لكل موقف رجال, لكــــــل رجلٍ ثيابه

[شاعر المحيط]

حياك الله أبو سالم
ويسعدني مرورك من هنا

[آلاد غنـــام]

كل جرح يبيد مع الزمان المبّيد //// بس جرحك يبا يبطي عليكم صوابه

************************************************** *********


والله انك لتبطي في ارضنا ماتسيد ////ابك حنا نضد الجيش خل العصابه!!

[شاعر المحيط]

قالوا الحكي عملة في لسان الشريّد \\ فانت حاسب قبل ترمي حروف الخطابه
دام عز الوطن من فوق كل امتكـــــيّد \\ يحمي الــــداني اللي مــــــايستر جنابه