يسرني أن أقدم لكم ديوان أحد شعراء قبيلة عتيبة الكبار الذين تميزوا
بجزالة وسبك وحبك القصيده وهو :
الشاعر / زعم الغنامي الروقي العتيبي ..
هــب النـــسيــم وجاوبـــه كــل عشــــــاق=وكــل ٍ على ماقـيــل قلبـــه يـدلــــــــــه
يااهــل البخـوت الطيبه بيض الأوراق=لاتـنـفـتــح قــــــدام فــتــح الســجلـــــــــه
احـــد ٍ يدورلــــه مـــــع الطيـب مزراق=واحـــد ٍ يدورلــــه على الناس زلـــــــه
اللي يبيـــع ويشتــري وســــط الأسواق=مـــايدري انــــه زود الطيــــن بلــــــه
ياليتــــهــا عــن درب الأدنــين تنساق=لـــو كـــان وقـــع سهمهــــا في محلــه
لــو انهــا خلت علــى القلب حـــــّراق=واركت علـــى عرق الضمايرتتلــــه
لوتغضي عيون وعلي تابــــس ارياق=لصفطلــهم من صافــي الكيف دلــه
ماجيت ابيــن مالجابـــي من اشواق=ولا جيت ادورلــي علــــى الناس خلــــه
ولا شاقني ماشاق غيري ومـالاق=نفســي عزيزه بالــوفــا مستقلـــــــــه
يروقلــــي درب ٍ ســـوي ٍ ليا راق=واجنبــه لاشفت باقصــاه علـــــــــــه
واشهركماحر ٍ شهر دون مسباق=حر ٍ نداوي منسبـــــه مرتكلـــــــــه
يقولهــــــا من ذاق منهــا ولاذاق=شي ٍ يجـــي دونــــه وشي ٍ يزلــه
قولوا لمن خايل من الغرب براق=لا يحسبنـــــه بالخبــر مقبللـــــــــه
العلم دونه علم واحجاب ورواق=على الطــروس وبين ذيك الأهله
احد ٍ يغوص ولا وصل حد الأعماق=واحد ٍ وصـــل لاكنّ عيا يحلــه
هذا الخبر للي لـــه العلــم سبـــــــــاق=اللي يفسرهــــا على كـــل ملــه
الشاعر / زعم الغنامي
حبيت اجاري راعىالغنيّه =الزين نجدي والدلع شرقاوي
واقول له ياهيه لثّ شويه =الزين روقي والحلا برقاوي
بنات منهم يحتمون الهيه =ماهن بنات الطرش ولاالجاوي
الوحّده في بيتها مخبيه =مصيونةٍ ماعرّضت لمهاوي
الستر والعفه لها ماريه =والدين فيها والشرف متخاوي
من ساس قوم ٍ ينجضون الكيه=زبن الدخيل اللي يجيهم ضاوي
الهم بحد السيف والهنديه =تاريخ ماذيّل بذمة راوي
كم شيخ قوم ٍ جا يسوقه غيّه =خلوه ضيفة ذيب نجد العاوي
يالي رميت الصيده المرميه =صيدتك من حض النسر والواوي
اخذ الكلام الى ميه فالميه =الزين روقي والحلا برقاوي
الشاعر / زعم الغنامي
على طارَ الصداقه والصديق الصـادق الكـذاب=على طارَ الرفيق اللـي يفتّـل روس اشانيبـه
على طارَ المعّزه والغـلا ومعاتـب الأصحـاب=على طاري رجـال ٍ تتبـع النمـات والغيبـه
تغَني يابنات الفكـر مـادون الشعـور حجـاب=مـدام ان الشعـر لـه هيبـةٍ ياحيهـا هيبـه
ابا اسج القدم وارقى برجلي عالـي المرقـاب=واعـدي راس مزمـومٍ تهيضنـي مراقيـبـه
على ماقيل في سوق المعَرْفَـه بايـع وجـلاب=ولابه رجل ماياخـذ دروسـه مـن تجاريبـه
والا يالنايب اللي عن ملازيـم الرجـال تنـاب=رجـال ٍ والنعـم فاللازمـه ورجـال والخيبـه
تسمّع يابن عمّ الذيـب يابـو منطـقٍ جـذاب=واخذ لك في مهب الريـح تشريقـه وتغريبـه
مضامين الكلام اللي تفكر بـه أولـو الألبـاب=يمـرك وانـت ماميـزت مقصـوده وتركيبـه
انا ماحارب الاجناب لجـل آراضـي الاقـراب=ومن سرّح له مصيبه يبا يضوي لـه مصيبـه
ترى سود النوايا اللي تخفّى في بياض النـاب=تبيّـن فالرجـل فـي منطقـه والا فاساليبـه
ليا منّا تواردنـا ووصلنـا صافـي المشـراب=نعرف اللي على عد الرّوى تصفـي مشاريبـه
يوردها على صاف المـوارد مـورد الهيّـاب=على الجـمّ القـراح اللـي بعيـداتٍ مجاذيبـه
مدام المسك في جوف الظبي والسم جوف الداب=الا ياكثـر ريجيـل ٍ مابيـن الشـك والريبـه
ومكاذيب الرصاص اللي مشاريهه على الضرّاب=يثوّر في مخـازن مـن يـودّ العلـم ويجيبـه
مانيب شاعر بس اسوي قصيـده=مثلي مثل نـاس ٍ تحـب الكتابـه
إن جيت اسويلي قصيـده جديـده=تطلـع بيوتـي كلبوهـا تشابـه
الوجد واجـد والمشاعـر فريـده=وألد عيني فـي مقـص الرقابـه
اشطب على بيت القصيده واعيده=واصك باب الشعـر وافـك بابـه
سـلام منـي يالحيـاة السعيـده=تسليمة ٍ فيها زعـل مـع دعابـه
اما نعيمـه ذكـت امـا تفيـده=واسعد عمر قلـي يفنـد عتابـه
مافيـه مشكـل كلبونـا عبـيـده=بس الحصاني وش تبـا بالذيابـه
نرجع لمحورنا ووضـع النشيـده=كبوا سؤال اسعـد مبالـه اجابـه
قبل ثلاث ايـام وسـط الجريـده=اعـلان لمسيـة ٍ ومعهـا نقابـه
شعار من قـوم الحيـاة الرغيـده=يازين واحدهـم ومحـلا شبابـه
يشكون لوعات الزمـان الشديـده=ولاذاقوا من الوقت زرقت حرابـه
قلت الشكل ماهوب نظـره بعيـده=اهم شئ الشعـر يكمـل نصابـه
قربت انا التلفـاز لاعـاد عيـده=ابرمجه واحسب واضيع حسابـه
وبدوا حلال القـوم كلـن وجيـده=في درب محد ٍ قدمهم قـد مشابـه
النجم يضحك والقمر طاح حيده=والحر الاشقر قام ياكـل بنابـه
الحب داخل فـي مجـال العقيـده=وجد النبي حطوه ظمن الصحابه
والمستمع دمه جمد فـي وريـده=والناقـد المنقـود وطـى ثيابـه
اللجنـه اللـي نظمـت مستفيـده=ارزاق وشعيـب ٍ ينونـي ذبابـه
والا الشعر روح مـراح الفقيـده=اللى علـى قبـره تـرادم ترابـه
بـس الاكيـد ان المحبـه اكيـده=لكـن ماوصلـت لمغـرم صبابـه
العيـن سبـاري وقلبـي قعيـده=وروابعـي عنـي تقافـت ركابـه
يابنت طول الصبر مانيب اجيـده=الـود حـده قـام يأكـل نصابـه
روحي على فالك وفرصة سعيـده=بكره يجي غير السحابـه سحابـه
ا
الشاعر / زعم الغنامي
حبيبـي يازيـن عيـونـه=يازيـن عيونـه ولجونـه
محدٍ لايمنـي فـي حبـه=مجنون ٍ عاشـق مجونـه
الـه خـشـمٍ انسيـابـي=وبريطم كبر الليمونه
رقبته خمسه في خمسـه=مزرهطتن فـوق متونـه
واظهـاره لاروح يـبـري=ايعرفونـه مـن قحنونـه
لبسه دايـم لونـه بمبـه=هـذا لبسـه دايـم لونـه
ساكن في شقه مفروشـه=واحد كيلـو مـن لعبونـه
يدرس في محـو الاميـه=ونيوتـن حافـظ قانونـه
مـاودي اجيـب وصوفـه=اخـاف العالـم يلقـونـه
ياربـي تكفينـي شــره=تكفينـي شكـه وضنونـه
احبه وارخص لـه حالـي=والغالي يرخص من دونـه
يقهرنـي دايـم جـوالـه=مشغـول ٍ مـع تيلفونـه
رسم العلاقه فـي سلمـه=يبغـا بطاقـه مشحـونـه
يغازل وانـا ساكـت لـه=والعالـم دايـم يتلـونـه
من سيـاره فـي سيـاره=من لومينا فـي صابونـه
يحسبنـي عنـه مــدري=وانا خابر وش مضمونـه
مصلحجي ومقطـع اربـع=ويغنـي دلعـن دلعـونـه
وانا اللـي غابنـي حبـه=روحي في حبـه مفتونـه
العـام انـا قـد اهديتـه=قـارورة عطـر بكرتونـه
واهديته من هجس شعوري=ابيـاتٍ ماهـي موزونـه
هي نسيتني وانـا صغّيـر=واهيه كمـان صغيرونـه
نجلـس سويـا ونتـابـع=بشـار وهايـدي وفلونـه
هي نسيت يـوم نتهـاوش=عند الخبز وعنـد التونـه
وعقب اني كبـرت شويـه=سمعت عن اللي يطرونـه
الحب اللي غربـل عنتـر=قاسيـت وغنيـت لحونـه
ياربعي بالله قولـولـه=عاشقهـا صفـر طبلونـه
وهـاذي تـرا هالقصـيـده=معاناتـي مـع فتـونـه
إرفـع مقـص النقـد والنقـادي=بادي ورى بـادي وليلـي بـادي
في خاطري شي ٍ ولـدري وشهـو=مستيسر ٍ فكري ونبـض فـوادي
تقدح على هجسي بنـات افكـاري=وخشم الفتيله شـب فيـه زنـادي
الشحن جاري والهواجس تشحـن=وسلك المشاعر بالشعـر منقـادي
الذود ذودي والوسـوم وسومـي=والسيف سيفي والشـداد شـدادي
آرد على العد الرهـاوي ..راهـي=ولااصـدّر الا خابـر ٍ مـيـرادي
أضحك على المجنون قدم اضحك له=وابكي على الماضي وورث اجدادي
(ولـو أنـي أذا ناديـت حـيـآ)=ولكـن لاحيـاه إلـمـن تـنـادي
الوقـت غيّـر والزمـن متغـيـر=والهجري عيـا يلحـق الميـلادي
اقـرا عـن النسبيّـه وراعيـهـا=واكتب عن اهل الدين والالحـادي
أكبـر همومـي ماتعـدت كـمـي=واصغر همومي ذاعت مع الـرادي
النـار حيـه والحيـايـا حـيـه=والسم طعمه مثـل لونـه عـادي
فليت في وسط البحـور إشراعـي=وأرتعت من شوف المحيط الهادي
قلت الهوى والحـب مالـه خانـه=لين ان خلـي حـط فـي قيـادي
سـلام منـي يالحبيـب الغـالـي=ياثالـث اعيـادي وكـل اعيـادي
يالـي عليـك القلـب زاد خلاجـه=والك المشاعـر جمرهـا وقـادي
أرفق بحـال الـي نحيـل ٍ حالـه=واترك كـلام الواشـي الحسـادي
كـم واحـد ٍ طـب الغـرام مكيّـم=مثلـي وعـود مفلـس الايـادي
كلـه مـن الـي ينقلـون النمـه=اهل الكـذب والمذهـب المتحـادي
وانته علـى ماقيـل قدمـك ديـم ٍ=لابـد برقـه يسبـق الـرعـادي
اما تتمـم فـي غرامـك وصلـك=والا بلاشـي كلـمـة ٍ تنـعـادي
الشاعر / زعم الغنامي
قلبي انا من عقبها صار محظــــور=مايدخله يــــابو سند غير ( نوره )
حبيت اجاري راعىالغنيّه =الزين نجدي والدلع شرقاوي
واقول له ياهيه لثّ شويه =الزين روقي والحلا برقاوي
بنات منهم يحتمون الهيه =ماهن بنات الطرش ولاالجاوي
الوحّده في بيتها مخبيه =مصيونةٍ ماعرّضت لمهاوي
الستر والعفه لها ماريه =والدين فيها والشرف متخاوي
من ساس قوم ٍ ينجضون الكيه=زبن الدخيل اللي يجيهم ضاوي
الهم بحد السيف والهنديه =تاريخ ماذيّل بذمة راوي
كم شيخ قوم ٍ جا يسوقه غيّه =خلوه ضيفة ذيب نجد العاوي
يالي رميت الصيده المرميه =صيدتك من حض النسر والواوي
اخذ الكلام الى ميه فالميه =الزين روقي والحلا برقاوي
الشاعر / زعم الغنامي
| التوقيع |
للتواصل عبر twitter تويتر
al_bargawy@ |
« آخـــر الـــمـــشـــاركــــات »
15-Sep-2009, 09:25 PM
ديوان الشاعر الكبير / زعم الغنامي الروقي العتيبي
العرض العادي
