سلطان الجذع=
ياخوي الجنب سر الليل والطرقه طويلة = مبتدانا بالسلام وفالختام مع السلامه !!
ثورك اللي يالعصيمي جاينا بأخته حسيله = أتحداك تعدل ياصاحبي عوجة سنامة !!
سعود العصيمي=
مالك الا نقدح الك الزند فـي خشـم الفتيلـه=مرحبا فالمبتـدا والمنتهـى تسمـع ختامـه.
ثور ابن برجس وفي حفله وانا ماني وكيلـه=ان عدل عوجة سنامه وان بغى يكسر عظامه.
سلطان الجذع=
الخيال اللـي ثـلاث ايـام فالمنشـى نخيلـه=ذعذع الغربي علاه شوي !! ثم فرق غمامه !!
والله انه مادعي له مير من عصر يعدي لـه=بالمرقة مغسلٍ وجهه وفي خـده علامـه !!
سعود العصيمي=
السبب من صاحب المكيال ماوفـى بكيلـه=لو وزن كيله على الميزان ماينقص تمامه.
كم وكم من واحدٍ ياصاحبي يومـي شيلـه=وينكم ياروق ما جوّدتـم العلـم بزمامـه.
سلطان الجذع=
الكريم اللي عماسك طيّـره بنـه وهيلـه=لا تحمله العتـاب ولاتحملـه الملامـه !!
مااستوت من ولد عمك جعلها ماتستوي له=يوم فك الباب للي فالحجاز وفي تهامـه !!
سعود العصيمي=
من حقوق الضيف هذه لاتكاثرهـا قليلـه=مالفاكم ضيف يشكي قل من ماه وطعامه
مالقى قدمه بعيرٍ لاثقـل حملـه يشيلـه=مالقى غير الخلا قدمه ووفى في كلامـه.
سلطان الجذع=
اتكاثرهـا مـع الـلـي مايعـرفـون الجميـلـة=كـم ضيـوفٍ لالفـوا مايستحقـون الكـرامـه !!
هذي اللـي كنهـا الحملـة علـى جنبـك ثقيلـه=مايشوف الا الخلاء ؟؟؟ وانته مع الحضار امامه !!!
سعود العصيمي=
كل ضيفٍ فيه ميله يلحـق العـزام ميلـه=في هذاه العلم ياسلطـان ماتأخـذ علامـه.
حاضرٍ ضيفٍ من الضيفان في حفلٍ دعي له=واجب العزام ويخصه حلاله مع حرااامـه؟
سلطان الجذع=
الله اكبر يالزمان اللي ماندري وش حصيله=مابقى الا يطلع الدجال وتقوم القيامـه !!
خلها تسري بدون عقال ,,, مافيها عقيله=انت شاعر محترف لكن تنكبك الغشامة !!
سعود العصيمي=
الله اكبر ياعميلٍ مايوفي مع عميله = لو أسوي له تميمه ثم البسه العمامه.
ليلة فيها فضل ونعدها ليلة فضيلة = ياعسى ربي يعوضك فالجهامه بالجهامه!!
« آخـــر الـــمـــشـــاركــــات »
العرض الشجري