يامسافر جنيف

[هلال العتيبي]

المشاركة الأصلية كتبت بواسطة محمد بن رشيد

للتواصل .. والعذر على القصور

ارفق علينا اشوي يا ايها الصيف = سويت فينا من ((سمومك)) علامه !!
تحرق ملاهيبك وحنا (ملاقيف) = في لاهب الكنه مانلبس عمامه !!
ماهمنا رمضاء ولاحب تكييف = ولادس راسه غير فرخ النعامه !!
حنا بدو والبدو ماتعرف جنيف = ماتعرف الا نجد والا تهامه !!
عشنا بأراضيها من السيف للسيف = وفيها تمتعنا بطيب الاقامه !!
ديرة هل الطالات والرمح والسيف = (كل الوطن شرقه وغربه وشامه )!!
من جاع فيها يشبعه كسرة ارغيف = وشرب عليه الماء وكمّل صيامه !!
بدو / نحب الريف وانسج فالريف = لين الزمن ظلّم علينا ظلامه !!
نعطي ولانحسب حساب المصاريف = وفي سلمنا / شحّ البنادم رخامه !!
صحيح / اهل نخوه وطيب ومواقيف = وفزعه / وتاريخ / وشموخ / وشهامه !!
واهل وفاء /وسلوم / واكرام للضيف = نبقى عليها لين يوم القيامه !!
والبن الاشقر كيفنا ياهل الكيف = ومن فيه هذي / ماتجيه الملامه !!
لكن ملينا معدّا المشاريف = ماعاد نبغى منه غير السلامه !!
الوقت حملنا حمول وتكاليف = لو شالها ((ريمان)) ميّل سنامه !!
خذنا معك لـ / جنيف يامسافر اجنيف = جانا طفش من جو نجد وتهامه !!
البرد يلفحنا ولن مرنا الصيف = تشوف فينا من سمومه علامه !!

والله يذكر راعي المناسبه بالخير

وسلامتكم

صح لسانك يامحمد
قصيدة فاخرة وتستحق التثبيت
اخوووووك هلال العتيبي

[محمد عمر البارقي]

يعطيك ربي الف عافيه انت مبدع

[بندر المرشدي]

صح لسااااااااااانكــ


وانت شاعر غني عن التعريف

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[ابراهيم الزراقي]

صح لساااانك يابو مالك

والله يعين على الصيف وجوه

[بـنـدر الروقـي]

الشاعر محمد رشيد


قصيده راائعه


صح لسانك


وتحياتي لكم

[علي فلاح العضياني]

ابو مالك صح لسانك

شاعر جزل بكل حرف انت تكتبه

خذنا معك لجنيف يامسافر جنيف

الله اكبر


مبدع بحق


ننتظر جديدك

التوقيع

(( رأس الحكمه مخافة الله ))

[سعود العصيمي]

نعطي ولانحسب حساب المصاريف
وفي سلمنا / شحّ البنادم رخامه !!
صحيح / اهل نخوه وطيب ومواقيف
وفزعه / وتاريخ / وشموخ / وشهامه !!
واهل وفاء /وسلوم / واكرام للضيف
نبقى عليها لين يوم القيامه !!
والبن الاشقر كيفنا ياهل الكيف
ومن فيه هذي / ماتجيه الملامه



الله الله


يامحمد صح لسااانك مليووون
قصيدة رااائعه بروعة شاعرها.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[أبونواف]

محمد صح لسانك