الصراحه فآخر الوقت عيبك يالصريح ........كان تبغى زبدة العلم ماهـوب المـزاح

[آلاد غنـــام]

يامنادي ناد فالنـاس بلسـان ٍ فصيـح=من غلق سمعه عن القيل والقال استراح
الصراحه فآخر الوقت عيبك يالصريح=كان تبغى زبدة العلم ماهـوب المـزاح
المسيحي يد ّع انّه على ديـن المسيـح=والعـرب للعولمـه يعلنـون الانفتـاح

**********************************

أعلني ياروادي وانشري ياصحافـه=وانتي اللي لسانك فالمجالس صحيفه
راحت الرافدين وراح قصر الخلافه=قل لجمع العرب يالله عليك الخليفـه

*************************************

يالله انك علـى الدنيـا وأهلهـا تعيـن=حلّـت الـرأس ماليـه محـل القيـم
صارو الغرب اقارب وابعد الاقربيـن=وقيلـت النعـم للسافـل وللمحـتـرم
الغني صار يفرح مـن يحطـه قريـن=ولو يقول القـزم عمـلاق قالـو نعـم
وصار فيها قليل المـال مالـه خديـن=حتى الاقرب من اقرابه عليـه يحـدم
وان بغاهم لفزعـه مايحصّـل اثنيـن=الحقايـق حقايـق والامانـي عـشـم
وغايبـات الليالـي ماعليهـا ضميـن=اللبيـب افهمـه والا الغبـي لافـهـم
المجالس واهلها ود ّعت مـن سنيـن=كانت العـام واليـوم الزمـان ابتـرم
احتسب قبل لاترجـع بخفـي حنيـن=ومجلس القال والقيل الك عنه الشحـم
ولاتصدق كـذوب ولاتخّـون بأميـن=ولاتحط البري فـي موقـف المتهـم
وحط في ذيك طين وحط في ذي عجين=واعتزل مجلس ٍ فيه المسولـف هيـم

الشاعر / مشلح بن براك الغنـامي