عقاب العنزي
يابو لمار انت شاعر من قبيلة ثقيف = واحد وربعك ماندري وين شعّارها
وانته لو انك تروح لظلم ولا ّ عفيف = تحتار من كثرت اسماهم ومقدارها !
ابو لمار
مادام ماتعرف العرّاف مانته عريف = مير انشد اللي تعرف البدو وديارها !!
وانته شمالي ووضعك في السوالف ضعيف = طرقتك هذي عليك يطول مشوارها !!
عقاب العنزي
تطمح ولكن عجزت تخش قصر الشريف = اثقيف ستين عام ٍ طافيه نارها
جيران لهذيل لكن ماعطوك الرغيف = اطلب من سليم ولا ّ دورو غارها
ابو لمار
اثرك بين العرب لك قلب ماهو نظيف = السلعه الغاليه لاترخص اسعارها !!
قلي متى يالشمالي شلت خنجر وسيف = وش عندكم للقبايل يلفت انظارها !!
عقاب العنزي
لقيت كل القبايل تتجه في جنيف = بحثت عنكم لقيت اثقيف بديارها !
ياثقل دمك لو ان دمك بعينك خفيف = ياللي عرفت العرب لاتجحد ادوارها
ابو لمار
عساك حصلت وصفك يوم مالك وصيف = انت اعنزي واعنزه مانجهل اخبارها !!
ياخف عقلك ليا سويت نفسك ظريف = ادوار قوم الشمال ابسوريا دارها !!
عقاب العنزي
حصلت وصفي وانا ظلع ٍ عليكم منيف = والقوم نعرف بواشقها من احرارها !
ابسوريا والعراق ونجد ووسط المصيف = يوم العرب هايبه ماتترك اقطارها
« آخـــر الـــمـــشـــاركــــات »
08-Jul-2009, 10:16 PM
العرض الشجري