سعود العصيمي =
تعال يالاصعر نويت اهجدك جعلك بالهجاد = يالشاعر اللي كل ربعك من قشرك اتضرها.
اطلع على ظهر الجواد وجود عنان الجواد = والعب على الطاروق ولحون المعاني جرها.
عبدالله الاصعر =
ياسعود مع شاعر عتيبه لا تحلّم بالشداد=روح اهجد اللي فوق حبتك الرحاه ايفرّها
ترى ملفك سجلو فيه العرب نقطة سواد=عهدك اخذها والاداره لاتزيـد اتمرّهـا
سعود العصيمي =
انته تقوله حلم والا علم والا بالوكاد = دون الاشده روس قومآ تحسبك من ذرها.
لالا الحيا من علي لاطيرك ياهذا القراد = لكن طعني والحقيقه للنشاما قرها.
عبدالله الاصعر =
ياشاعر سيفك يقض الروس في وقت الطراد=ا م الكبايـر خلّهـا تبـا تمـوت ابحـرّهـا
يمنا العدو من ضربنا عيا يضمدها الضمـاد=مهزوم واذيال الهزيمه كـل ليـل ايجرّهـا
سعود العصيمي =
ايه ايه يامال الشحم قلها ونطلع بك سناد=لاتلتفت في ام الكبائر والخشاش وذرها.
حنا عتيبه من يعاندها تضـده ماستفـاد=والعزوة اللي تخصم الاخصام لله درهـا.
عبدالله الاصعر =
لا يحسبنّه مهتني في حر ولا في براد=اللي يصادم روس قوم فالعـلا مقرّهـا
اللي بسكينه... يقابل قوم بسيوف حداد=في ذمتي ما سر نفسه يالعتيبي ضرّها
سعود العصيمي =
حنا نعرفك مانغرك في رجـب والا جمـاد=عين الجراده من يصورها وكيف اتصرها.
تراك لو ابغاك ماكلفت طلقـة مـن زنـاد=لكـن قـدرآ للقبيلـة مانـدور شرهـا.
عبدالله الاصعر =
عجزت اجاهدكم عساكم يالنشاما بالجهاد=غبر الليالي نطلب الله خيرها عن شرّها
بس المهم انقيّد بعير الشواوي بالقيـاد=قول وفعل ماني بمن لا اقبل عليها فرّها
سعود العصيمي =
من لازرع وقت الزراعه ماحصد وقت الحصاد=اخر زمن على نمور الوقـت يزمـر هرهـا.
كفيت يالاصعر وختمها بمسـك وعطـر كـاد=والترك من فعلتك ضاق ابها البحر مع برها.
« آخـــر الـــمـــشـــاركــــات »
العرض الشجري