سعود العصيمي=
ياكبر شرهتنا على سلطان من عقب الغياب = سافر سياحة مار جاء راجع بشر سياحته.؟
وانا نويت احسابه في غلطته قبل الحساب = وعلمه من شأن بكره لاتكرر طاحته.
سلطان الجذع=
ياما سرانا فالليال المظلمـة مسـرى الذيـاب=وسعود يقضي عمره الفاني علـى طراحتـه !!
ان كان تقراء فالسيّر وتعرف ابن غانم ذياب ؟؟=اسمه على صم الصفا قدام تخلـق نااحتـه !!
سعود العصيمي=
تسري وتأكلك الذياب اللي من اذكـاري تهـاااب=بحـر المعانـي لاتطبـه مانـت مـن سباحتـه.!!
من رمح ابن غانم صويب وفيك من رمحي صواب=وانرد سلطان البـراء بكـره شريـت انجاحتـه !!
سلطان الجذع=
اللي على النهج الخطاء مايدرك العلم الصواب = مرقاب الاعلام التلفزوني يحارب ساحته !!
الله يغشك تظلم الفلاح محمود الجناب = وانا اخبرك تأخذ عناقيد العنب من واحته
سعود العصيمي=
حظ الجذع لافك باب ايصك اله تسعين باب = وانعاش راسي لاخذ اله الثأر من ذباحته
المكتسي مايطلب العريان يكسيه الثياب = والحرب نعرف منهم ارجاله ومن نطاحته
سلطان الجذع=
اللي ذبحني حب عذراً خدها بارق سحـاب=ياليت قلبي في هواها يستمع نصاحتـه !!
انته ولد نعمه تقول مجاهد الدنيـا عـذاب=وابوك في مصرفك يتعب ماتهمك راحته !!
سعود العصيمي=
ياليتها عذرا واسدك مهرها واقول طاب = لكن موسٍ من طبيب الجرح فيك اجراحته.
ماتنه بطارح لك سؤالٍ مانحصله جوااب = يالطالب اللي فاهمآ للدرس من شراحته
سلطان الجذع=
لاتحسب الايام سـودا مثـل ريشـك يالغـراب=من وسط راسك ... عقلك فلول الجهاله زاحته :)
حاضرك ماهو زين والمستقبل الظاهـر خـراب=ويمكن جهنم لاانفتح بكـره تكـون افتاحتـه !!
سعود العصيمي=
عزالله انك فاول ايامك مؤدب فالشبـاب=شيب وشباب الناس كلآ مجدك بمداحته.
لكن طعني قبل احطك لقمةٍ من فوق نااب=لاترخي الشيله وموالك تغيـر صاحتـه
سلطان الجذع=
المشكلة فاللي يطّردها مثل طرد السـراب=الزند مايشعل قديحـه نـار ياقداحتـه !!
انا على الدرب الجلي ماهمني هرجه عتاب=في جد وقتك مايفيد العلم من مزاحتـه !!
« آخـــر الـــمـــشـــاركــــات »
العرض الشجري