ناصر الجلاه
يسعد مساء الشعر والشعار والطيبين=اللي تمثل مباديها على اصولها
يستاهل الطيب والتقدير خطل اليمين=حنا نعز الرجال ونذكر فعولها
حاكم الغنامي
الملعبه فاخره بحضورها الفاخرين =اقولها والرجال اتقوم وتقولها
عبر البريد السعودي جاتنا كلمتين=رسالة طيبها من طيب مرسولها
ناصر الجلاه
جاتك من اللي صخر شعره بعقلٍ رزين=شهادة الحق ماتحتاج مدلولها !!
لكن رز العلم في ظلم للغانمين=لاتلتفت في عرب مامنزلك حولها
حاكم الغنامي
الرمز يشهد وغيره عالمٍ شاهدين =اللي بميزان ناصر ترجح عقولها
المشكله يالجلاه بربعنا القاعدين !=لو نسرج خيولها ..ماعنت خيولها
ناصر الجلاه
الطيبه ماتجيك ألا من العارفين=أمثال حاكم وناس تكرم سبولها !!
طق الحديده عساها عقب طرقك تلين=ويبين صاحي عربكم قبل مهبولها !!
حاكم الغنامي
كاسب جمالٍ حرارٍ ماتعرف الحنين=محمله يالجلاه بكامل حمولها
كلٍ تقدم وناصر جعل ربه يعين=وش عاذره والحرايب دقت طبولها
ناصر الجلاه
الفرق واضح مابين النير والبيضتين=إن قلت في عرضها وإن قلت في طولها !!
ناصر ليا دبكت ناسٍ تبى لقمتين=يشوم عن جرة الزيدي وعن فولها !!
حاكم الغنامي
لاجات سرب القوافل من يسار ويمين=ياهل طحي القوافل قومو اقفولها
ياللي تحسب الخواطر من كلامك تشين =ام الكباير عجوزٍ ..ماتت.. ادعولها
ناصر الجلاه
حنا رجالٍ ثقال وكلكم خابرين=اعرف جبال الديار وميز سهولها !!
اختم كلامي معك قدام مد الايدين=أليا برق برقها تطلق ثعولها !!
حاكم الغنامي
راحت وناصر وراها من قديم السنين =ايخّطف ايدينها ويخّطف رجولها
الحزن واضح وبين في عيون الحزين =والسالفه هينه ونجيك بحلولها
« آخـــر الـــمـــشـــاركــــات »
10-Jun-2009, 08:12 AM
العرض الشجري