علي بن عمير=
مرحبا ياصاحبي سلطـان والنيـران حيّـه=شاعر ٍ مثلك ينومسنـي ويعجبنـي مسـاره
ودي انك مثل غيـرك لازمٍ حبـل المطيّـه=وانت رجل ولا عليك ومعك رخصه واستماره.
.
سلطااان بن دحيم =
البقا يالشاعر اللي ما تجـي منـك الخطيـه=وان دخلت السوق تحسب من هوامير التجاره
احمد الله يا علي سيف المعـزه فـي يديـه=ومن مسك حبل المطيه يشتغل ليلـه نهـاره.
علي بن عمير=
طحت انا وياك قبل شوي في هذي ذيّـه=مير نسنس جوّنا بالبرد من عقب الحراره
كن مافي وسط قلبك للسوالـف جاذبيّـه=وان فتحنا عنه ضيّعنا حماره في خضاره.
سلطااان بن دحيم =
انت الك يومين راكب فالونيت ابو حنيـه=والبلا فاللي يسوقه واحد(ن) ما هوب طاره
كم سرينا في ظلام الليل وخطانـا جريـه=والله اني ما كرهة الا التطور والحضـاره.
علي بن عمير=
ويش اسوي جابه الله من هناك اليا هنيّه=ودي انه راكب الصندوق ماطب الغمـاره
لو تشوف اللي نشوفه في خلا نجد العذيّه=كان سجيت القدم والحر تكفيه الاشـاره.
سلطااان بن دحيم =
انت خاويته وبسبابك رجع يمي خويه=بس انا قفلت قدمه كل بيبان العمـاره
البلا سكان نجد يحطمـون المعنويـه=والكبود ام المراره ما بقى فيها مراره
علي بن عمير=
انت خليت المنادي في صحاريه الخليّه=يوم شب النار قدمك ليش ماطفيت ناره
الوضع قام يتطوّر راح وقت العنجهيّه=وكان ماصدقت ياسلطان شرفنا ابزياره
سلطااان بن دحيم =
قلت لك كلمه خطيره يا علي عن حسن نيه=تدري اني لو بغيته ما تشـوف الا غبـاره
دورة الايام تضعف قـوة النـاس القويـه=واعرف ان الحق يا رجال مضمون انتصاره
ودي انك مثـل غيـرك لازمٍ حبـل المطيّـه
وانت رجل ولا عليك ومعك رخصه واستماره
ودي انك مثـل غيـرك لازمٍ حبـل المطيّـه
وانت رجل ولا عليك ومعك رخصه واستما
احمد الله يا علي سيف المعـزه فـي يديـه
ومن مسك حبل المطيه يشتغل ليلـه نهـاره.
احمد الله يا علي سيف المعـزه فـي يديـه
ومن مسك حبل المطيه يشتغل ليلـه نهـاره.
بيض الله وجيهكم وصحت السنتكم
ابداااع غير مستغرب من شعار مميزين.
« آخـــر الـــمـــشـــاركــــات »
06-Jun-2009, 06:00 PM
العرض الشجري