حاكم الغنامي
يامرحبا ترحيبةٍ مثل الدلال اللي تفوح =بالهيل والمسمار والبن اليماني فوحها
وان كان حاضر ياعلي خلك هنيا لاتروح =انا خلآآص اسرار صدري للعرب بابوحها
علي فلاح العضياني
دام البقا ياللي ترحب و السراير لا تبوح=لو إنّ كبدك قامت الدنيا تزيد جروحها
مال الجروح الاّ الاطبّاء اللي يداوون الجروح=الناس مدري فالمشاكل ويش هو مصلوحها
حاكم الغنامي
اخذ النصايح كان الك ياصاحبي قلبٍ نصوح=الشك مايلحق سوى ناسٍ قصار شبوحها
انته تقول ان السفينه ماتسير بدون نوح؟ =وانا بقول ان السفينه عيبها من نوحها
علي فلاح العضياني
انته سبب علمٍ حصل ما بين مزحم و الطلوح=خلك بروحك و الاوادم خلها في روحها
يمنى الكريم أطول بمدّ الطيب من يمنى الشحوح=و اليوم تشمت لك رياجيلٍ بعيدٍ شوحها
حاكم الغنامي
هذا الزمن مابه مكان لراعي القلب السموح=وانا بيوت العز مع ربعي بنيت صروحها
اركد ليا شفت المزون اللي بوارقها تلوح = هذي سحابه ياعلي مابه دليّ تموحها
علي فلاح العضياني
الناس يا حاكم عطوك من السعن طاسة صبوح=و انته تبا كل الغنايم في يديك تقوحها
لو تمشي مع الدرب الابيض ما تضيق بك الفسوح=الارض في عينك توسّع ما تضيق فسوحها
« آخـــر الـــمـــشـــاركــــات »
06-Jun-2009, 05:58 PM
العرض الشجري