السنـــــــــاعــيـــــــس

[سلطان المفرجى]

بندر المرشدي صح لسانك وافي ومبدع اين ما كنت


لك كل الود والتقدير

[شمري واحب عتيبه]

بيض الله وجهك يا العتيبي

وعتيبه وشمر شي واحد ولا كااان ودي اجااريك مير انت بحر ,. من ينوصل لغبتك

تقبل مروري

[ابن صنهوت]

صح السانك يا بندر ويستاهلون الطنايا

[عبدالله نقاء العريدي]

ابيض الله وجهك ع هالقصيدهـ الرائعه

والشاعريه الفذهـ التي لاتاتي الا من المبدعين


الله يعطيك الصحه والعافيه

سنـاعيس
ستاهلون

[عبدالله بن طلال]

بيض الله وجهك يابندر



عزالله كفيت ووفيت ومامدحت غير من يستحقون المدح !!



صح لسانك مدد بلا عدد


ولك تحياتي

[ابن مشيب]

كل الرجال محرقيـن المحاميـس=لا مر ذكر الشمـري صفقـو لـه
وانا من الي يبعـدون المراميـس=عتيبـه الهيـلا ارمـوز البطولـة

ونعم بلا نهاية لقبيلة شمر , لوكانت هناك كلمة ابلغ من ونعم لقلتها في حق الطنايا , وصح السانك يابندر , ولوكانت هناك عبارة ابلغ من صح لسانك لقتها في قصيدتك يالمرشدي


تحياتي

[مطر المرشدي]

وانا من الي يبعـدون المراميـس
عتيبـه الهيـلا ارمـوز البطولـة
عراف وان ركبوا على الخيل فريس
لاجاء نهار فيـه صولـه وجولـه




صح لسانك وبيض الله وجهك

[هلال العتيبي]

المشاركة الأصلية كتبت بواسطة بندر المرشدي

كنت مدعو على حفلة لإحد أبناء قبيلة شمر

وقد قلت هذه القصيدة بهذه المناسبة


والطنايا مهما قلت فلن اوفيهم حقهم

سلام ياهل المرجلة والنواميس=ساس المروة والكرم والرجوله
تسليمة من صادقات الاحاسيس=عطرتها بالمسك توله وتوله
اعداد ما هبت هبوب النسانيس=وأرخى من المنشى مقادم ثعوله
كرستها في غاية النفس تكريس =للي بنوا في قمة المجد دوله
تاريخهم مسس على العز تاسيس=وسط الجزيرة ثابتاتٍ اصوله
يوم اليالي مظلمات معابيس =وكلاً من الحربة يسطر فعوله
الهم على جمع المعادي مراويس=حريبهم عيش الهناء ما ينوله
يجيه منهم في منامه كوابيس =ويشرق من الدار لا شرقو له
والي يبا يسوي سوات السناعيس=يحفي على الجرة سماري ذلوله
ما هو بحبر فوق بيض القراطيس=قلته ومن عقله طبيعي يقوله
كل الرجال محرقين المحاميس=لا مر ذكر الشمري صفقو له
وانا من الي يبعدون المراميس=عتيبه الهيلا ارموز البطولة
عراف وان ركبوا على الخيل فريس=لاجاء نهار فيه صوله وجوله
ينكسون اعلام الاخصام تنكيس=واليا نزلوا في دار شدت نزوله
تاريخهم تضرب به اعلى المقاييس=وامجادهم ما سطرت بالسهوله
واليوم في ظل الحكومة خزا بليس=وكل يحقق في ذراهم ميوله
قلته بعد ما دق صدري هواجيس=واشتالني ليل السهر في حثوله
سلام ياهل المرجلة والنواميس=ساس المروة واالفخر والرجوله

وسلامتكم

الله الله الله
صح لسانك
ياسلام عليك يابندر
ابداع طال عمر
مدحت من يستحق المدح
ومايمدح اهل الطيب إلاّ أهل الطيب
مودتـــــــــي

[بندر المرشدي]

سعود العصيمي


صح لساااااااانك وبيض الله وجهك



ما عليك زود وشكرا على مرورك

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه