العازمي
على دار العصيمي بعد مده لويسيل السيل= خبايا الارض فوق الارض للعالم يطلعها!!
صحيح ان انور السادات باع القدس لــ/اسرائييل= بعد ماعطوه سينا هيبة المسلم يضيعها!!
سعود العصيمي
عن ديار ابن عازم عندنا الموجز مع التفصيل = سمعناها ومن لاسمعها بالاذن يسمعها.
صحيح ان انور السادات خشمه مثل خشم الفيل = ولو ياخذ ويعطي ماغزا قومٍ وروعها.
العازمي
يدورن الليالي والكبير اللي وطاه الميل = عسى يمناه تال الوقت من ماحاش يشبعها!!
ترى اللي يسقي الحنظل بمويه من مياه النيل = خساره يالعصيمي يوم يسقيها ويزرعها!!
سعود العصيمي
وصل من فعل يمناه الذريبه للقمر وسهيل = ولو العاصية تاقف على دربه يطوعها.
اظن اللي يحصّل مرجله مابين يوم وليل = وهو ماتعب فيها واجب الاصحااب ينفعها.
العازمي
على سمن وسمين ولالحقها غير بن وهيل = بعد ماكان قدم القافله ذلحين ,يتبعها!!
بطون الخيل شالت والمعزه في ظهور الخيل = وتحت الارض نفسٍ ماتجمّلها روابعها!!
سعود العصيمي
والا ياعيد حمل شعيل ماشاله ياكود شعيل = ليا جبت الك حجة هاتها واسنادها معها.
معك فالصايبه والمخطية نلقى لها تحليل = لياعاملت عامل ناس طبعك من طبايعها
العازمي
بعد مامال حمله ويش تفعل ياقوي الحيل = يهبد الارض بالخفّين والسكه يقطعها!!
ياشين اللي يمد الكف ,كف بخيل ,قدم بخيل = طماميع البلد ماحققت باقي مطامعها!!
سعود العصيمي
ليامنك غويت العلم عاين يم اخوك محيل = قبل لاثلث الكية على راسك واربعها.
انااظنك عمى واتطالع العالم بلا دربيل =ماشفت إطيورك اللي فالهدد تطرح براقعها.
العازمي
سنام المجد فيه اللي يذيق القوم مر الويل = نجومٍ يالعصيمي ماتهاوت من مرابعها!!
على الله قبل هرج الزور شيلو راعي التضليل = اهل بعد النيا ياصاحبي تحمي مواقعها!!
سعود العصيمي
سنام المجد ملك ربوعنا اللي يذبحون الحيل = ولاانت ابمالكه لو نيرتك زندك مولعها.
انا مهرج بزور وراعي التضليل والتطبيل = مالد اله النظر واهل النظر محدٍ بطامعها.
العازمي
على القمه بنينا البيت بالافعال خل القيل = قبل حلّ العلوم اللي من اصحابك تجمعها !!
كحلنا عين ابو عرام من كحل الثمد بالميل = وبقعا نار ابن عمار شالت روس اصابعها!!
سعود العصيمي
انا مجحد فعول العاازمي مابين حط وشيل = لكن لياجحدنا نقدر ضروسه نقلعها.
لياليك الاخيره ياوسيع المعرفه حميّل = لكن الطيبه مابين شاريها وبايعها
« آخـــر الـــمـــشـــاركــــات »
30-May-2009, 10:15 PM
العرض العادي
