النشمي =
حبيب كيد ملفي قام يمدح صاحبه مستور=على شان المصالح كل واحديمدح الثاني!!
وابو طايل يصرح بالشهاده والشهاده زور=يبا يتهم بها المجني عليه ويبري الجاني!!
سعوودالعصيمي =
حبيب والعصيمي كل واحد شاعرٍ مخبور=وملفي ماعليه اخلاف يحمى كل ميداني.
واناخابرك لو انك تجينا من خلاف السور=وقصدك خابرينه تفرقة مابين الاخواني.
النشمي =
اثركم ودكم في بحـر جـده يغـرق البابـور=وتخفون الحقايق عن عيون افلان وافلانـي!!
انا داري عن الموضوع وصدور الرجال اقبور=ولا اجامل وعودي فوق قول الصدق وصاني
سعوودالعصيمي =
نعد النور وانته يالثبيتـي ماتعـد النـور=وبالوجه الجلي مابنت مع ذريبن الايماني.
دخليك يالثبيتي لاتقابلني بعمـي وعـور=لياقابلتني خلك سوات الذيب سرحانـي.
النشمي =
تراكم ياعصيم اللي ظلمتو راعي الباكـور=وحطيتو خليفة راعي الباكـور سلطانـي!!
لكم مقصد وغايه مار حنا اللي نحكم الشور=لكن اركد وهون يالعصيمـي لا تحدانـي!! .
سعوودالعصيمي =
عسى الله يرحم الميت وذنبه ياعسى مغفور=وهذاه الخليفـة للخليفـة طيـر حورانـي.
نحكم الشور ونعلمـك يامنهـي ويامامـور=لكنك لاتحوص اعن الحقيقة وانت فهماني.
النشمي =
كشف ملعوبكم وسلوبكم فيصل ولد منصور=وابن خالد يقول الخبل وينه كيف يعصاني!!
تبا تثبت لـك الايـام ونعلمـك يامغـرور=يبا يشهد عليك العازمي ولا العضيانـي!!
سعوودالعصيمي =
على وضح النقا الوضاح نمشي والعلم منشور=وابن خالد تلبي له جميع الناس مـن دانـي.
ليا منك قعدت إعن الحقايق والصحيح اتـدور=لك الله ماتثبـت حجتـك مـن دون برهانـي
« آخـــر الـــمـــشـــاركــــات »
29-May-2009, 02:00 PM
العرض المتطور
