سليل عتبان/// مصافحه اولى

[خالد الدغيلبي]

مساء الشعر

متواضعه آمل ان تنال على استحسانكم:



شانت بـي الايـام واتبـدل الحـال
........وتكـدرت نفسـي وزادت همومـي












واسقتني الدنيا مـن المـر فنجـال
..........وانا عزيز النفس ربعـي قرومـي











سليل عتبانٍ صناديـد وابطـال
...........ولومالـت الدنيـا قـوي العزومـي











ماهمني ماراح مـن جـاه او مـال
............ولاهمنـي لوهـي تقطـع هدومـي











غلطان منهو يحسب الطيب بريـال
...........المال ما يبقى علـى حـال يومـي














ياصاحبي مكسبك في راحـة البـال
.......ولا صرت من بين الرجال محشومي














والا رفيق ٍ فالمعاسـيـر فـعـال
............لاصطكت الدنيا وكثـر الخصومـي














لاهو رخيص النفس ماهوب محتـال
.........ولا يطعنك بالخلف غدر السهومـي














المرجله ياخـوك ماهيـب تنطـال
............ياكـود تاصلهـا بحسـن العلومـي









المرجلـه ماهـي كلام ٍ بينـقـال
..............قولٍ بلا فعل ٍصفات الرخومي


واسمحولنا على القصور