شبل مرجحين الموازين
الليل وين انته ياصقر جعيد=المشكله لازم نسويها
غذ الحساب اللي به التسديد=ولا على الغرفه تسريها
صقر جعيد
الليل والمسرى ولابه صيد = خل اللحون اللي تغنيها
انته قريبنا ولا أنت بعيد = أن كان تطلب كاش نعطيها
شبل مرجحين الموازين
حنا رفعنا راية التوحيد=وجعيد تسرح مع مفاليها
ياجعل والله ماتفيد الفيد=خل العلوم الي تهذريها
صقر جعيد
حنا رسنا مثل ضلع وحيد = وعصيم ماتعرف مباديها
الكلمة اللي مالها توكيد = ترجع نقاده فوق راعيها
شبل مرجحين الموازين
خمسين عامن كلها تشييد=وعشرين والدار متوليها
واللي هروجه كلها ترديد=لايبلش العالم ويوذيها
صقر جعيد
ان عودت للحرب والتهديد = بينت للعربان خافيها
نبى ثمر ياشبل ولا أهيد = بندقك لاتخطي مراميها
شبل مرجحين الموازين
لا بالله الا صقر جاب العيد=والناقه ام الوسم مغديها
ماباقي الا تررسل تقصيد=ولا بدعوانا نخاليها
صقر جعيد
الناقة اللي جات فيها قيد = من داركم ياشبل شاريها
عينك معك والدرب لك تمهيد = والملعبة لاعاد تطريها
شبل مرجحين الموازين
وش عاد اسوي في ضعيف الجيد=ابك انت يابن جعيد معميها
ارقص فرح لوكان عنك بعيد=ابياتنا حلل معانيها
صقر جعيد
وش عاد اسوي في قصير الأيد = اللي مع العالم يباريها
ياولد عاصم كان زدت أنزيد = تولع الفتنة ونطفيها
« آخـــر الـــمـــشـــاركــــات »
22-May-2009, 10:57 PM
العرض الشجري