أخبار هامة , من الطائف

[أبوهند]

بسم الله الرحمن الرحيم
السلام عليكم ورحمة الله وبركاته ,,,

الله لا يصبحكم ولا يمسيكم إلا بالعفو والعافية ,,,

الـوفـا طـبـعـي
ابوهــند إرجوكــ تستمر في موافاتنا بالأحداث أول بأول وثق ثقـه تامــه أن الهيلا برجالها معاكم......

إبشر بسعدك ياولدي عمي , ولا في داعي تترجاني وانا أخوك ,هذا حق وواجب وانتو تامرون أمر ,,

مرجان , ماشاء الله تبارك الله عليك ,!!!
عندك معلومات مفصلة , ويمكن يعض شبابنا مايعرفونها ,

عموما ياغالي , إن عشنا وكان لنا عمر ,راح أفرد رد خاص لمداخلتك بعد ردي هذا , لأن مداخلتك تضمنت أسئلة عديدة , ونقاط مهمة تستلزم الحديث عنها بالتفصيل .

وإلى أن يحدث ذلك,
تعال معي الآن لنتشرف بالسلام على إبن العم ( نجم المرزم ) , ونسولف معاه شوي :

يانجم المرزم , مساك الله بالخير ,

علومك زينه ياولد عمي , وتعاطفك واضح , مثل باقي الأخوان , الله يبيض وجيهكم جميعا ,
وصدقوني إن كل كلمة دعم أو تعاطف أو دعاء , لها تأثير رائع ومؤثر في بني عمكم الشرابيه ,
وأي إقتراح أو مشورة نتعامل معها بكل اهتمام ,
وشيابنا وشبابنا يبلغونكم تحياتهم وشكرهم وامتنانهم على دعمكم وثقتكم في عدالة قضيتهم ,

ويؤسفني بأن أنقل لكم خبر وصلني الآن , يعني طازه !!!
مفاده مايلي :


أن رئاسة الديوان الملكي , ممثلة في (عبدالعزيز بن فهد بن عبد العزيز ),

قد أرسلت خطابها لوزارة الداخلية يفيد بما يلي :

أنه ردا على البرقية المرفوعة للمقام السامي ,

والتي تتظمن شكوى ناظر وقف الشرابيه , على أن مايحدث في أرض

العارمية مخالف للمرسوم الملكي رقم وتاريخ , والذي ينص على ( منع

أي طرف من أطراف النزاع بالعمل أو الإحداث في الأرض المتنازع عليها

مادامت منظورة بالمحاكم الشرعية ) , ويخالف أيضا , المادة 125 من

نظام الأراضي والذي يفيد بأنه ( يسمح لمالك الأرض العمل على تسوية

وتبتير وتخطيط الأرض (( مالم يثبت )) أن هناك نزاع قضائي حول هذه

الأرض ) ,وأن مايحدث في أرض العارمية قد تم فيه تجاهل السلطة

القضائية , والتي بعثت خطابا من رئيس محكمة الطائف إلى محافظ

الطائف , تفيده بأن أرض العارمية , والتي يتم العمل بها الآن من أحد

الأطراف , هي محل نزاع يجري النظر فيه بالمحكمة الشرعية , وتنطبق

عليها المراسيم الملكية السامية , رقم وتاريخ , ورقم وتاريخ ,

لذا نرجو (؟(؟(؟( عمــــل اللازم )؟)؟)؟)

وبفضل الله ومنه وكرمه , قد بعثت وزارة الداخلية ,

ممثلة في ( أحمد بن عبد العزيز ) خطابها لمحافظ الطائف ,تأمره فيه

؟(؟(؟( بعمل اللازم )؟)؟)؟ إنتهى ...

يعني , كأننا والمعدّات من حولنا , قوم جلوس حولهم معدّاتُ !؟؟!

وليتنا من حجنا سالمين ,,,

طبعا لاحظتو اني ماكتبت رقم وتاريخ المراسيم الملكية , مع إني حافظها

صم , لكن ألزم ماعلي راحت أصابعي , وليش أكتبها وهي مالها سنع

عندنا بالطائف !!!؟

ولا حول ولا قوة إلا بالله ,,,

الحقيقة إني كنت متفائل اليوم الخميس , لأن الوضع كان تقريبا أهدى من

الأيام اللي طافت , لأننا توقعنا بأن رد ( المقام السامي ) سيصل

هاليومين , لكن أكثر المتشائمين , لم يكن يتوقع بأن يكون بهالشكل ,!!!

وقبل أن يصيبكم أي إحباط , أو تفاؤل , أو لا هيك ولا هيك ,

دعوني أوضح لكم , أيها الأحبة , مالذي يجعل هذان الخطابان , يستحقان

وبجدارة أن يوضعا ضمن أهم الأشياء المسببة لارتفاع ضغط الدم ,

وأمراض ( وجع القلب ) وانفجار المرارة , والقولون العصبي , :

خطاب الديوان الملكي , وبرقية وزارة الداخلية ,

لم يطلب فيها أي توضيح للقضية وملابساتها .

وهذا يدخلنا في إشكالية ( إما ) و ( أو ) :

فإما أنهم يعرفون كل شيء عن القضية ,

أو أنهم ( حتى الطائف مايدرون وينه ) .

فإن كانوا فاهمين وعارفين كل القضية , فلماذا اكتفوا بالتوجيه ( بعمل

اللازم ) خاصة وان عمل اللازم ترك لمحافظ الطائف , الذي لم يعمل اللازم

منذو مبطي ... !!فكان من المفروض التوجيه المباشر للمحافظ لعمل كذا

وكذا وكذا , ( صح كذا والا مو صح كذا ) ؟!؟

وإن كانوا ماهم دارين عن هوا دارهم , ولاهم فاضين لهالأمور (الصغيرة)

لذلك ردوا القضية لابن معمر لكي ( يصرف ويحرف ) فيها كما يشاء ,

إذا السؤال الهام والحيوي والتاريخي, الذي يطرح نفسه الآن هو :

ممكن يرجعون لنا قيمة البرقية ؟؟؟

وبالأساس ليييييييه يقبلون البرقيات ويكلفون على العالم ؟؟؟!!!

الأرض مانبيها ,خلاص هونّا , لكن قروش البرقية ترجع يعني ترجع

أستغفر الله الذي لا إله إلا هو الحي القيوم وأتوب إليه ...

عموما , بكره الجمعة , يعني المفروض إنه ماراح يكون فيه مواجهات ,

نبي نصلي , ونطلب الله صلاح الحال في الدنيا والآخرة ,

ويوم السبت , نشوف وش بيصير معنا , وإذا الأحوال مازانت ,

فيظهر لي إنه (( حنّا اللي راح نقوم بعمل اللازم ))

والله وكيلنا وحسبنا فهو نعم المولى ونعم النصير ...

إذا ماكتبت لكم رد او مداخلة إلى عصر يوم السبت ,

فاعرفوا إن ماصليت الجمعة !؟!؟!!؟!؟!؟!؟؟!

دعواتكم يارجال , واستروا على ماواجهتوا ,,,

مراسل الهيلا , أبو هند ,
العارمية ,

[الـذيب]

لاحول ولا قوة الا بالله


انا لله وانا اليه راجعون


استغفر الله العلي العظيم


طار النوم من عيني يشهد علي الله مقهور مقهور مقهور من زمان ماشاركت بالمنتدى قعدت ابحث عن اسمي والرقم السري .


وبعدها وش بعدها بعدها قعدت اكتب وامسح لي الحين نص ساعه مادري وش اقول لدرجة اني فكرت اكتب لاتعليق لاكن حتى لو كتبت لاتعليق وكنت سلبي زي امراء عتيبه وزي كثير من ابناء عتيبه هل انا برتاح هل بيرتاح ضميري وقسم بالله العلي العظيم اني في قمة قهري وضغبي ياناس ياعالم انا قريت الموضوع قبل فتره وانقهرت وحسيت بظلم المساكين وانا ماكنت ادري انهم عيال عمي من لحمي ودمي انقهرت وانا كنت متوقع ان الارض مالهم حق فيها بس كان قهري انه مساكين وساكنين في اراضي ليش مايعوضون بغيرها فما بالك والمصيبه والطامه الكبرى اكتشف انها لعيال عمي ولهم ومسلوبه منهم .

انا ادرس قانون وخريج الترم هذا بمكاني اكتب واصيغ وانمق عبارات لاكن والله مالها مجال هنا الدعوه وصلت للغبن لقهر الرجال .

اقول للحارثي تخسي وتخسي وتخسي انت ومن يعينك واقول لمراء عتيبه كلهم بدون استثناء والي نفسي بيده والله في هذا اليوم الكريم ان مالكم عندي اي احترام اذا اخذ حق عيال عمنا وماكان لكم وقفه جاده بالموضوع والله اني اولكم اعترف انا مافينا رجال اذا هو حق لخوانا وعيال عمنا صحيح وينوخف منهم مصيبه اذا الحارثي طمع فينا واستنقصنا وبياخذ حقنا وش بقي لنا والله ماتشرف بعد اليوم بحق اسم قبيله ماتدافع عن ابنائها انا ماستعجل ولا استبق الاحداث ثقتي بالله عز وجل وفي ولاة امرنا كبيره انهم مارضون بالظلم وثقتي في امراء قبيلتي وفي ابناء قبيلتي كبيره ولا حدود لها ومازلت متفائل انه راح يكون هناك موقف منهم ولا اظن انهم بيرضون بالي يصير .

شيوخ القبيله ومحاميها وكل من له منصب بالدوله ويقدر يخدم ابناء عمه بها القضيه اطلب منهم التدخل واقول اذا اليوم انوخذ حق اخوك وانت ساكت الدور بكره عليك والله ماتلقى من يوقف معك.

انا ماطالب بالفوضى ولا بالخروج على النظام بالعكس ياخواني تكفون لايستغلها الحارثي ضدكم ويكسب الرآي العام ويكسب ولاة الامر حنا مافيه احد يشكك بولائنا ولا انتمائنا ولا وطنيتنا ولا فيه احد يساومنا عليها لاكن اظن ان الظعيف الي يرضى ان ارضه تنوخذ منه ولا يكون له موقف ولا يرد الظلم عن نفسه ماهو كفو انه يرده عن ارضه بشكل اكبر وشكل عام ديرته وقت الحرب لو جاء معتدي بياخذها منه ماتوقع ان الدوله تفخر بشعب جبان انا اليوم لو تنازلت عن ارضي للحارثي وخفت منه ومن كم عسكري جايبه بكره كيف بسترخص دمي ومالي وكلي عشان ارضي ووطني ضد العدو الغاشم .

والله لو يموت الواحد ويراق دمه في سبيل المحافضه كرامته وحقه انه شرف عظيم .

. قال صلى الله عليه وسلم ( من مات دون ماله وعرضه فهو شهيد )

يقول الله تبارك وتعالى في أول هذا الحديث: {يا عبادي! إني حرمت الظلم على نفسي، وجعلته بينكم محرماً، فلا تظالموا }.

والله ان لكم حق علينا ياعيال عمنا والله اني مالي وجه منكم والله اني احتقر نفسي واعتبر نفسي مقصر لاني مامديت يد العون لكم ياخساره بس عيال عمنا ياخساره وانتم تفتخرون انكم من قبيله عتيبه والحين تواجون الحارثي والشرذمه الي معه ومايوقف معكم عيال عمكم اذا ماوقفنا معكم الحين متى بنوقف معكم مقصرين والله بحقكم مقصرين .

انا لله وانا اليه راجعون

انا لله وانا اليه راجعون

انا لله وانا اليه راجعون