سعود العصيمي وحش العراقيب ...

[معجب العتيبي]

العـوني

سلام ياموطن الجود ؛ ومكملين المواجيب = تسليم حشمة وتقدير ؛ بعده عتاب وملامه
سعود يوم اذكر سعود ؛ شاطر بحش العراقيب = وان جاه واحد من مطير ؛ماينقلنه عظامه

سعود العصيمي

اقلط على الهيل والعود 00 والطيب نجزاه بالطيب = 00 وانجاء براسك سعاطير 00 قامت عليك القيامه.
سعود فهدآ من فهود 00 مافيه مثلك عذاريب = وامطير فالشر والخير000 ماقدمنا الا السلامه.

العـوني

لاتخلط البيض والسود ؛ واهديك شلفا تراحيب = ياللي تسوق البوابير ؛ البحر تسعين قامه
الطيب مع جدك العود ؛ والا انت مع ربعتك عيب = الحثل تال المباهير ؛ يامقدرين الكرامه

سعود العصيمي

لو معك صوان وزنود 00 قلنا عطيب المضاريب = والشرف مدري المغاتير00 غنيمة اهل الجهامه.
جدي وعدي حامى القوود00 وانا حصان الاطاليب = ترااك في عيني صغير00من بدة اهل العمامه.

العـوني

مع عمك السيف محدود ؛ ياللي تشيل المشاعيب = ماعاد فيها معاذير ؛ كلٍ يفتش حزامه
يوم السماء برق ورعود ؛ جساس ماوفّر كليب = وموقفك ياسالم الزير ؛ مازاح عنك الغمامه

سعود العصيمي

حجة ولاعندك شهود 00 مانت بعمي وانا الذيب= 00 دور على سالفة غير 00 ولكل رجلآ مقامه
يوم انها صدور وورود 00 وصحيب مايعرف اصحيب= خابرك فالصف الاخير000 هو طيب والا رخامه.

العـوني

خاوي وغاوي وملهود ؛ واكثر حزامك مكاذيب = منتوفةٍ ريشة الطير ؛ ازرت تحوم الحمامه
ماانت بعلى الكذب محدود ؛ ياللي تخط المكاتيب = من وقت سوق المظاهير ؛ كلٍ عرفنا مقامه

سعود العصيمي

يوم السعد عنك مردود 00 من حامي الفطر الشيب = مشبعك بالخير ياطير 00 ماقلت اجاز الهلامه.
الكذب والزور مجرود 00 من غير شكٍ ولا ريب= لمطير شرابة البير00 والصقر غير النعامه.