الـــعـــطـــاوي لـــيـــتـــه يــعــايــن دروســــه ...

[بدر الكريزي]

قادح شرار

يالعطاوي كان تبغى الصدق خلّك فالدراسه = كان عقلك عقل عاقل !! كان قلبك قلب واعي
أنت ما تصلح تصيد ولا أنت فالح بالحراسه = وما أنت فالح فالهجوم ولا أنت فالح فالدفاعي

عبدالمجيد العطاوي

الثبيتي ويش مقصوده ليا طوّل حساسه=ينصح العالم وهو منه النصيحة ما تذاعي
من يشوفك يالثبيتي قال ريّس في الرياسة=وانت باص 2000 لكن لاخصوص ولا جماعي

قادح شرار

أنت توّك جاهل ٍ ما ناجد عطاسه فراسه = وما عليّه لو تعشاك الذيابه والسباعي
العطاوي يا جماعة داس فوق الشوك داسه = ومنتدانا كثّر الشعار والله دون داعي

عبدالمجيد العطاوي

المعومس لا لمحني طال من راسه عماسه=ولا طلبت من الردي فزعة وهو قاصر ذراعي
مار يالعسّاس قلّي وش لقيت من العساسة=وانت من ضمن الرعايا اللّي لها مليون راعي

قادح شرار

لبسوك الربع جوخة فارس ٍ مشدود باسه = لا وقف في ماقفه ياطا على روس الأفاعي
بس أظن المعرفة والواسطة فوق السياسه = حصلوها ناس تأكل فالشراشف والرقاعي

عبد المجيد العطاوي

لبّسوني يوم انا قرمٍ زها متنه لباسه=وانت جوختك القديمة فيك رايحةٍ قطاعي
الشراشف ما بلعها غير معدوم الفراسة=طول عمره طايحٍ بين الثنيّة والرباعي

قااادح شرار

هد !! هد السرعه أصبر لا تطيّرك الحماسه = فيه مغزى من ورى تلبيسك ثياب ٍ وساعي
لين حالهزة وأنا ماخذك والله للوناسه = ماش فيـّه حيل أعشّقلك على الدفع الرباعي

عبدالمجيد العطاوي

كل واحد يالثبيتي لابسٍ ثوبٍ مقاسه=وانت مقطوع الرجا اللّي لا يطيع ولا يطاعي
بارد الحيل ان غزا والله ما يبعد مراسه=وانت راع الدفع مالك عنه تجهيزٍ مناعي

قادح شرار

من رضا إنه فأول الطاروق معّلم للنجاسه !! = فأخر الطاروق أقله حظ ٍ أوفر يالوراعي
ما بنرجي خير من ناس ٍ تربّت للخساسه = و لو تزيد رياحهم .. والله ما هزّت شراعي

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.