فن وتعريف الحداء

[علي الثبيتي]

حداية هذيل=
في مبدا على العتبان=
سلام رديه تشرفنا ليامنا قلطنا=
على الرجال اللي لواجبهم حضرنا وارتبطنا=
من حيث ماكنا على انفسنا فرضنا واشترطنا=
نوفي مواجيب الرجال ونردع الخصم العبيط=
,,,,,,,,=
والثانيه حنا هذيل اليا هرجنا ما غلطنا=
لو خصمنا ينوى على خطه تبطلها خططنا=
حتى الحروف المبهمه دايم توضحها نقطنا=
لو تبهم حروف الكتابه من محيط اليا محيط=
,,,,,,,,=
والثالثه بسم الله الخالق وباالله استحطنا=
من مشكله عمت على العالم ومنها مانبسطنا=
عز الله انا مانبا نرضى الخلاف ولا سفطنا =
يذهب كثير الناس مرواح الرشا ولا مقيط=
,,,,,,,,=
والرابعه يا بادع الالغاز اخذ منا وعطنا=
وش رجل له عدة بناتٍ بين ظهر وبين بطنا=
تخضع له رقاب الملوك اللي لهم هيبه وفطنا=
رجلٍ يحل المعجزات ومركزه ماهو مابسيط=
الرد من عتيبه =
يامرحبا ترحيبةً منها صليب الراس يطنا=
بضيوفنا اللي شرفونا من زيارتهم نشطنا=
حنا رقينا للمعالي وارتفعنا ماهبطنا=
والذاكره تحفظ لك الاحاث وتعيد الشريط,,,,,,,,=
والثانيه حنا عتيبه فا المذاهب ما خلطنا=
كلامنا واضح ولا يحتاج تفسيراً ورطنا=
ياكم نقضنا فالامور المبهمات وكم ربطنا=
قول وفعل ونثبت الافعال بالقول السليط=
,,,,,,=
والثالثه يا صحابنا من رحمة الله ما قنطنا=
والمشكله عمت ولا نخفض جناح ولا بسطنا=
الخصم يدعم بالسلاح ومشكلتنا من وسطنا=
الله ينفس كربة اهل الدين ويفك الربيط=
,,,,,,=
والرابعه حنا ليا جتنا المعاني ما خبطنا=
هذا كتاب الله لترتيله ولحكامه ضبطنا=
دستورنا اللي نعرفه ونطبقه من يوم حطنا =
نحيطكم واللي يحيط يعلم واللي ما يحيط=
وسلامتكم,,,,=
دمتم بوووود,,,, =

التوقيع

ماني بلا روقي ولا برقاوي = انا ثبيتي جد روق وبرقا