معجب العتيبي
هلا مرحبا ترحيبةٍ تفتح الباب=وتاخذ لها فالجو تسعين دوره
اشوف العطاوي حاضرٍ عقب ماغاب=واباخذ علومه عقب سجل حضوره
محمد صالح العطاوي
يدوم البقا ياللي ترحب بالاشناب=عدد من يحج البيت واللي يزورة
انا معك حاضر واللقا ياولد طاب=ولا للمعاتب ياصحيبي ضرورة
معجب العتيبي
انا قلتها من باب تحقيق وعتاب=وخطي ليامن جاك دقق سطوره
لا بالله ماشفناك من بد الاصحاب=ويشهد عليك المنتدى لو تزوره
محمد صالح العطاوي
كلامك صحيح اقول منتة بكذاب=ولكن ضروف الوقت غير محصورة
وانا جيت حاضر معك يالقرم ماهاب=ندوس المصاعب ماعلينا خطورة
معجب العتيبي
شهادة شكر ياطيب الصيت واعجاب=ترا الحق بيّن وانت بيّنتت نوره
يزول العجب كله ليا جات الاسباب=ومثلك يابو صالح يشرف مروره
محمد صالح العطاوي
انا اشوف تال الوقت ياكثر الانشاب=ونور القمر معاد بين بنورة
علومن تردد بين صادق ونصاب=ولكن معجب ماعرفنا شعورة
« آخـــر الـــمـــشـــاركــــات »
29-Jan-2009, 03:24 PM
العرض الشجري