الشاعر القعياني يقول افضل الشعراء الاجناب الذين لعبت معهم الجلاوي ويدحض كل الادعائات

[فرناس]

بسم الله الرحمن الرحيم

عقب طول الغياب يالاحباب اطل عليكم من جديد
كنت احسبن عضويتي ملغية وطلع عندي اجازة اضطرارية من الادارة

وانا والله ماطلبت من الادارة اي اجازة لكن الرياجيل يمكن يحبوني وخلوها مفاجئة وعطوني اجازة خارجية حوالي شهرين

المهم يالربع كنت اتابع لقاء الشاعر فيحان القعياني على قناة صدى وسئله المذيع عن سلطان الجلاوي وعن تشكي بعض الرعاع من اسلوبه الحارق قال الرجال:

والله انا كنت اسمع مثل ماتسمع وكنت اخذ في خاطري على الجلاوي ولعبت مع الرجال من قرب ولا لقيت اللي يقولونه بعض الناس والجلاوي من احسن الاجناب اللي لعبت معهم وبعض المقاطع اللي تروج عنه مدبلجة مثل دبلجتهم علي وعلى مستور وعلى كثير من الشعراء وانا اتكلم من واقع قرب من الرجال ومعرفة الرجال من احسن اللي لعبت معهم يجي بيني وبينه مناوشات وهذا بين كل الشعراء لكن سب القبيلة مثل مايروج بعض الناس هذا غير صحيح.

وهذا كلام من شاعر عمره فوق الخمسين مهوب كلام ورعان النت اللي تشتكي وترفع ضغطها حتى صورة سلطان الجلاوي.

اللقاء عرضته قناة صدى يوم السبت 20 / 1 / 1430هـ الساعة 5,00 مساء

آخر تعديل فرناس يوم 17-Jan-2009 في 03:41 PM.