لاكن دام وجيهنا مابها احساس = الواجب انا نستتر بالبراقع

[زياد المزرمي]

ياشعب غزه دون موقفك لاباس = والله يزيدك دون دينك مدافع
لا ترتجي نخوه ورا ساير الناس = غير الولي محدٍ معاكم بفازع
اعراضنا تهتك وتقتل وتنداس = وفي كل حزه نستمع للفواجع
وعريبيا تعقد قمم بين الاقواس = تشجب وتستنكر ولا احدٍ بسامع
يا قادة الامه ترا الوضع حساس = واللي مضى فالوقت ماهو براجع
غزه تصيح وتلفظ احرّ الانفاس = تحت الدمار وتحت ضرب المدافع
ياليت فينا نخوة اللي بكركاس = يا عنك ماهو للمذله بقابع
شافيز وانت معرب الجد والساس = سرّح سفير القتل واعلن يقاطع
ثم قال مالك عندنا اليوم مجلاس = مادام لك وسط الجرايم مراتع
وحنا ورا الكوره ونبحث عن الكاس = الواقع اللي حضنا فيه واقع
لاكن دام وجيهنا مابها احساس = الواجب انا نستتر بالبراقع

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

آخر تعديل زياد المزرمي يوم 17-Jan-2009 في 01:19 PM.

[حاكم الغنامي]

الله الله


صح لسانكـ يازياد راااااااائع


والله متعوووب عليها هالقصيده


الاخوان المشرفين حطو حرف الكاف فاول بيت نساه زياد ههههه
موقف = موقفك

التوقيع

سبحــــان الله وبحمدهـ hakem81@live.com

[زياد المزرمي]

حاكم الغنامي

مرررررررحبا

وصح بدنك يالذيب

انت من عقب الاداره صاير ردار مار مايفوتك شي

ههههههههه


تقبل مروري واحترامي

[ابو محمد الدعجاني]

صح السانك يالشطيطي وصوابنا عميق الله يرحم حال الامه الاسلاميه والعربيه

[زياد المزرمي]

ابن غزاي


صح بدنك يالذيب


وعسى الله يجبر عزانا وعزاكم في اخواننا في غزه


لك جزيل الشكر والاحترام

[عبد العزيز العضيــاني]

الله الله
يازياااااااااااد..مبدع كما عهدناكـ..

[زياد المزرمي]

عبد العزيز العضياني

صح بدنك يا ابو سفر


والابداع مرورك الراقي



تقبل مروري واحترامي

[ابو فايح]

لاكن دام وجيهنا مابهـا احسـاس****الواجـب انـا نستتـر بالبـراقـع

صح لسانك يا زياد لكن حنا مافيدينا حيله ان قلنا نجاهد قالوا حرام يعني وش السواه

[زياد المزرمي]

ابو فايح


صح بدنك


وضع امتنا مزري مالنا الا الدعاء


مشكوور على المرور الراقي

[خلف العتيبي]

مبدع يازياد.. سواء خلقاً.. أو شعراً.. وعن إذن المشرفين.. خمس نجوم مني لقصيدتك..





فائق إحترامي للجميع..