العازمي
مبروك يافايز بعد نلت الوسام,,والليل والميقاف والذيب إيعوي= اما احتم الوقفات والا خلها ,,ماهاب قبلك شاعرٍ معه الوسام
حضّر هجوسك والمعاني ياسلام ,,يالشاعر اللي مايعاديك القوي= انسى الجبال اللي وراك وظلها,,ياللي مضرّالك على برد وسلام
ابن سرحان الثبيتي;
الله يبارك فيك والدعوه كلام ...ياطيب حظك لو زمانك فوضوي = هات العلوم اللي فصدرك كلها ..يالعازمي والمعرفه راس الكلام
انته وانا تجار والسلعه تسام .... والسوق قدامك وعينك فالخوي = لكن بعضات العلوم افطنلها ...قبل تشيل السلعه اللي ماتسام
العازمي
راح الشداد ولابقي كود المسام ,,الواسطه تطوي هل القاله طوي=احبال معقدوده ويصعب حلها,, واللي جهلها مايطول الا المسام
تبا الصحيح اللي كما قص العظام ,, ماعاد يامن جانبك كل ابدوي= شفنا علومك دقها من جلها,, اكلت لحم اصحابك بدون العظام
ابن سرحان الثبيتي;
انته فوجهك نور وفقلبك ظلام ...ممشاك دايم فالطريق الملتوي = واليوم دارك عانني محتلها ... هذا سبب شكواك في جوف الظلام
هذي علومك ماعلى مثلك ملام .... وانته خوي امقيط ماظنك سوي = الك ثلاث اشهور وانت تعلها ... لكن تدري ماعلى مثلك ملام
العازمي
كان الصقور امهاجره كثْر الحمام ,, وإن عاد واحد قام يزويها زوي=هاذي صقور الجو جت في حلها ,, فصل الشتا فصل الحباري والحمام
صليت قبله والثبيتي راح شام ,, في غيبة الابطال سوّا منجوي= محدٍ يبى الفتنه وعلمٍ دلها,, هاذي كبيره منك كان الدرب شام
ابن سرحان الثبيتي;
يالعازمي عان القطاه ام الوشام ... لقطتها وانته مسوي فهلوي = ابك الصقور النوم ماهو دلها ... ياصقر عينت القطاه ام الوشام
اركابنا لاجات ماترجع حيام ....ون كان ضامي والله اني مرتوي= بتعود وحاجتك ماتاصلها ...لكن اظن اركابك اتعود حيام
العازمي
فوق البسيطه تسبح اعروق البشام ,,وإن قالبه صفق الهبايب يستوي=لافايده فيها ولافي طلها ,, للي صبغ ثوبه من الوان البشام
اللي ملبّس بندقيه مع حزام ,,لو يارد الجمه يعوّد ماروي =ودّك عيونه بالخلال اتخلها,,غيره بلابندق يرد وسطه حزام
ابن سرحان الثبيتي;
مانته بلاقيلك شراب ولا طعام ....ولياك قمت اتجر صوتك وتعوي = لكن عينك يالسنافي ملها ... ..قدام تقعد لا شراب ولا طعام
الاوله عدت وقلنا لك تمام ... والثانيه ماشوف لك حس ودوي = يالبندق اللي كل رامي ملها ....رميك على الاهداف ماظنه تمام
« آخـــر الـــمـــشـــاركــــات »
16-Jan-2009, 10:18 PM
العرض الشجري