_أبو هلا_
سلام الله على فاله يبى يمشي بلا تحديد=سلامن مثل نور الشمس لامنه سطع نوره
أحد صام أرمضان ولادرى بعد أرمضان العيد=علومن بينات أحيان وإلا أحيان مستوره
علي فلاح العضياني
هلا يا مرحبا ترحيب لعيون الضيوف يزيد=عدد ما عجّ فالدار النبات و فاحت زهوره
ترانا مسلمين و دارسين الفقه والتوحيد=و مذهبنا على السّنّه و وحي الله دستوره
_أبو هلا_
يدوم الك البقا ياللي ترحب ياعساك تفيد=لو اعلومك مع العربان تال الوقت مخبوره
ياكم مره يقولون احذر الاصلي من التقليد= لو ان اشوف له عينين لا حولا ولا عوره
علي فلاح العضياني
علومي كلبوها طيبه والعلم بالتاّكيد=ورايتنا بعلم الطيب مرفوعه ومنشوره
الا يابوهلا ماهي على ما تشتهي و تريد=علومك يالمطيري عندنا بالصوت والصوره
_أبو هلا_
ترى ماني بغاوي في سعد وإلا بخوه سعيد=ونفسك من قديم الوقت منهيه ومأموره
قنصت أبندقن عوجا تحسب أنك تجيب الصيد=وثارت فيك ياولد العرب والثوره الثوره
علي فلاح العضياني
والا يا اصحابنا ما اخسّ من عسفان غير قديد=لقينا روسكم يا مطير مصدوعه و مشعوره
ليا منّا بغينا القنص عنكم ما نجنّب حيد=لحيث انّ الدروب اللي توصّلناك ميسوره
13-Jan-2009, 04:59 AM
العرض الشجري