الاصعر
سلامي على اللي يحتمون المخلين=عتيبة هل الخيل الاصايل عتيبه
ولا ياعلي خيرك ربي فا الامرين=بعيد الدير ولا الديار القريبه
علي فلاح العضياني
هلا مرحبا ترحيبتن تقضي الدين=و كلّ يحصّل في حياته نصيبه
يقولون لازم للرسايل عناوين=وانا أقول الاصعر يا جماعه مصيبه
الاصعر
اسر ياعلي فالدرب مسرا السراحين=وخل العلم ياصاحبي فا الرقيبه
اجل لاتحير وخذ منا البراهين =على الجدي يابن روق مسرى النجيبه
علي فلاح العضياني
عن المربعانيّه و برد الطويلين=من الضلع حوّل في مسايل شعيبه
ليا جاك علمٍ ينتفسّر بعلمين=كثير العرب تفسيرها ما يجيبه
الاصعر
انا اعرف طريق الحق وانته على الزين=لاترمي برمي((ن)) مايصيب الضريبه
انا خابرن ما الله خلق معك قلبين= تسوي كذا فاهم وداخلك ريبه
علي فلاح العضياني
يا عزّي عن اللي قالوا الناس مسكين=و عبدالله الاصعر عليه الغليبه
عن السيف يكفي فيه خنجر و سكّين= ابا أغزّها بين النحر و التريبه
الاصعر
ماتترك هواذينك ياشين الهواذين=لكن احمد الله لي مكانه وهيبه
انا ماني اللي يجزي الزين بالشين=سلاحك يعود فيك لاتعتزيبه
علي فلاح العضياني
أبنشدك ويش اللي حصل قبل يومين=ترى قصّتك هذيك والله غريبه
تصعّط قبل ترقد صعوط المجانين=يقولون نوم الليل ما تهتني به
« آخـــر الـــمـــشـــاركــــات »
13-Jan-2009, 04:56 AM
العرض الشجري