ابن سرحان الثبيتي
سلام ياربعنا ... والليله الليله = القاف نيشان والاهداف مرصوده
ودي بسلطان ون جاوبلي احليله = ابعلمه وش لقيت فديرة اجدوده
سلطان الجـذع
حيا الله اللي ليا شفنا تماثيله = نقول كفا وجوده حسب ماجوده
أهم حاجة تكيل وتوفي الكيله = لاتحلقك شرهه العاقل ومنقوده
ابن سرحان الثبيتي
العام سلطان بكريكه وزنبيله!! = يحفر للاقدام والاسلاف مردوده
واليوم اكلها وعدت مير عزيله!! = ماكن في جبهته علامة الجوده
سلطان الجـذع
ياثبيت جاني بعوجاء وش اسوي له !!! = لولا غلاكم طرحت الوسم فخدوده
قبل تحط الحمل ياصاحبي شيله = ذاكرك راع الهدا للي ورى السوده
ابن سرحان الثبيتي
من يزرع الشوك وش يرجي محاصيله = لو كان غلطة وعدت غير مقصوده
وحده بوحده ولكن جتك تدبيله = البادي اظلم وكل يلزم احدوده
سلطان الجـذع
يابارد الحيل لو حاولت بالحيله = الاوله فيك مع ثنتين معدوده
والثانيه منك لاعدله ولاميله = اشوفها نقص وانت تشوفها زوده
ابن سرحان الثبيتي
ماهو طريقي ولكن جات تحويله = هذاك دربك وكل ٍ شافك تروده
وان كان سلطان بل الدمع منديله = صاحبك يلعب معك ماباحت سدوده
سلطان الجـذع
أرسل لشرواك واستقبل مراسيله = واللي تعدتك بالرادار مرصوده
ماينفع العذر تقصيره وتطويله = اجسام متواجده وعقول مفقوده
ابن سرحان الثبيتي
اختامها الموجز اللي جاك تفصيله = الهرج ينقال والافعال مشهوده
سلطان اخذ مده ولو كفه ابخيله = كل ٍ بياخذ نصيبه حسب مجهوده
« آخـــر الـــمـــشـــاركــــات »
26-Dec-2008, 10:35 PM
العرض الشجري