سؤااااااااااال وارجوا مكنك الافاده

[محمد النفيعي511]

سر ياقلم مالي على الصبر طاقه=صبر(ن) تعدى الحد ماعاد ينطاق
اكتب لمثلي قصته واشتياقه=في خطك الواضح على بيض الأوراق
قصة حزينن صافي المر ذاقه=اليا ذكر ماصار له خاطره ضاق
ضاقوا به الأصحاب والوقت باقه=وصار الضحيه بين بايق وبواق
يمشي وهو ماحس في كسر ساقه=امساء على ساقين واصبح على ساق
وهذي سوات الوقت شين اصطفاقه=الوقت لــــو يصفيلك ايـام دراق
ان شان قطع عنك كل العلاقه=وان زان خلى لك مع الناس عشاق
ومن شان عنه الوقت وقلوا رفاقه=راحــت حياته كلها هم واذلاق
والله خلق خلق(ن) تحب اللباقه=كما خلق له خلق ماعندها اخلاق
احد(ن) يعيش بخير وحد(ن) بفاقه=وحد(ن) يعوق ايام وأيام ينعاق
وحد(ن) معه حكمه وصبر ورواقه=سبحان منهو للمخاليق خـــلاق
لاكن يامن معك صبر ووثاقه=ابنشدك كانك للأمثال تـشتاق
من رغب في فرقاك ارغب فراقه=جـــاز الذي يجيزك فراق بفراق
وتعلم التعشيق قبل السواقه=لاتحسبنك بالدركسون سواق
ورزقك يجيك من دون تحضر بطاقه=وعند الله المعبود تقسيم الأرزاق
يقولها اللي جاير الوقت عاقه=ولازال في غيبوبة الهم مافاق
من انعزاقه بادي(ن) بأنعزاقه=واللي يوده صار شوفه بالأشفاق
ولا قال هذا القول قصده طفاقه=ماقال هذا غير من نار الأشواق

بندر سرور