قصائد قديمه جداً لفحل من فحول الشعراء في عصره

[فهد الشهيب الثبيتي]

رحــم الله الشاعر الاسطوري في مدح ربعه وفي قصائده الحماسيه ومعظم اغراض الشعر

شاعر ثبيت الخالد \ عوده الشرطي الثبيتي........الشرطي تنطق بفتح الـ ش

ويعطيك الف عافيه يافهاد على ابراز شئ بسيط من درر هذا البحر

ويسعدني أن اضيف قصيده لازلت احفظها نقلا عن اجدادي رحمة الله عليهم وهي قصيده حماسيه خلال فترة حرب طاحنه مع قبيلة عزيزه ومجاوره .....يقول فيها :

يالله اليوم يالي ترتجيك العبادي=ياكريم الرجا اللي مالنا غير جوده
سدّنا في بلدنا عن خباث المرادي=كل ماجيت مع وادي تضابح قروده
كل واحد يقول البير لي والبلادي=منهل ٍ ماعرفنا صادره من وروده
هاضني يوم سيّرنا ونادى المنادي=فوق راية عقيد ٍ ماتراخى زنوده
واعتدينا ونور الصبح مابعد قادي=ثم اخذنا حلال ٍ ماتحاصى عدوده
يوم جونا رجال **** مثل الجرادي=مثل سرح الجراد الي يقوده عموده
والتحم سدها بين الوجيه البوادي=في نهار ٍ عسى رب الملا مايعوده
وانتشر من قضين(1) اليا حليق(2) البوادي=مثل نو ٍ تهلــّع والبرد في حدوده
ذوقو الفعل من ربع ٍ تضد الاعادي=والثبيتي مضرّى بالفعل من جدوده
منزلي بالقصور مربــّعات الحدادي=من غدى صايبه من سدها وازهوده
عزوتي عقبــّو للطير والذيب زادي=مفرس ٍ زل راس الحول واهيه تروده

1 -قضين 2- الحليق = مناطق في بني سعد
وهذا غيض من فيض واتمنى منك اخوي فهاد بما انك على تواصل مع احفاد الفقيد ان تتحفنا برائعته في قبيلة ثبيت التي يقول في جزء منها :

ومر ّ ابها الشهيبي بيت بيت=هل القالات من سموا ثبيت
والا ياالجاهل اللي مادريت=اهم للخصم قيف معاوديه

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

آخر تعديل فهد الشهيب الثبيتي يوم 16-Nov-2008 في 06:03 PM.