سلطان العايضي

[بدر الكريزي]

سلطان الجذع

مرحبا ياشاعرٍ ماحسبنا له حساب = غير ليلة بنت ليله... تعد عيالها
كل موقف يثبت انه صميدع مايهاب = نذكره فأقفايها ...نذكره فأقبالها

سلطان العايضي

والبقاء ثم البقاء واحسب احساب الذياب=والذيابه حولت من علو اجبالها
فالمواقف يشكي السيف من ضرب النصاب=والرجال اهل الوفاء ماهضمت افعالها

سلطان الجذع

أشهدٍ الطايحه من سما .. فوق التراب = كل لحية قدمها فالها وعقالها
قبل لاتطلب عتيبه عزيزين الجناب = قدم الحسنه وتبشر بعشر أمثالها

سلطان العايضي

الطايحة لصحابها مالها عندي جواب=والسمينه يالجذع فالنا من فالها
الخطاء ياصاحبي مايجي مثل الصواب=لاطلبنا الحق مايختلف مكيالها

سلطان الجذع

بعد بركت المطيه على روس الحراب = لاتخليها بذمتك ... فك عقالها
انت جسمك ساتره ثوب من عرض الثياب = والبشوت أم القصب خلها لرجالها

سلطان العايضي

يالجذع ليلتك سوداء مثل ريش الغراب=والمطية سقتها والجذع يبرالها
انت خلك مع عتيبة محفيت الركاب=والمناويخ العظيمة تعرف ابطالها

سلطان الجذع

راجع المكتوب في وسط صفحات الكتاب = كم علومٍ راح يضحك على اللي قالها
ياحضور العايضي عندنا مثل الغياب = بارك الله في بيوتٍ يظل ظلالها

سلطان العايضي

سطر التاريخ فعل الزناتي مع ذياب=مير خل الكتب والمكتبه في حالها
ياهل النخبة عساكم جميع(ن) لذهاب= العايضي من قوم ماينشرب فنجالها

سلطان الجذع

العلوم علوم والمال مايكمل نصاب = رد كلمتك الهزيله... وهات بدالها
ليه ماحصلت معهم طعام ولا شراب ؟؟= لان فعلك ماحمى غترتك وعقالها

سلطان العايضي

الهزيلة خلتك بين ضرس وبين ناب=يارجب لاعاد تشكي على شوالها
فعلنا معروف يالي مع العالم سراب=يالجذع غترك بالله منهو شالها

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.