مـــعـــجـــب فــــي ( صالة الإمتحان ) .... بالتوفيق ....

[معجب العتيبي]

علي فلاح العضياني

يا معجب ادخل صالة الامتحاني=حاول مع الطلاب تلقى مكاني
و انجح لا بكره تختبر دور ثاني =يالله على بابك يا فتّاح الابواب

ما ينجح الطالب اللي مهملٍ فالدروس=و المجتهد يستلم شهادته في يده
اللي يحصّل مع الطلاب كرسي جلوس=بالجهد يحصل على غاياته و مقصده

معجب العتيبي

يالطالب اللي فالفصل من ورا الباب=
وتشوف كل الناس بالعين طلاب=
ليتك مع استاذك هذا تبذل اسباب=
يالله على بابك يافتاح الابواب=

حصلت مطلوبي وغيري يلف ويحوس=يقضي نهاره شقي والليل مايرقده
ماضيّع المجتمع غير اليمين الغموس=راجع حسابك ومن جاوزك لاتحسده

علي فلاح العضياني

انا تراني ما عكست الحقيقه=لكن شف غير الطريقه طريقه
لا تبرك و تشتال مالا تطيقه= يالله على بابك يا فتّاح الابواب

النصر ما ياتي الاّ بعد حربٍ ضروس=الشرّ دونه و تلقى كلّ خير بعده
انا لو انّي على الابنص بالرجل ادوس=و الله لروّح و بعض الناس في مقعده

معجب العتيبي

لا والله الا ياعلي فيك وسواس=
وانشد مع اهل العرف من جملة الناس=
والمرشدي علمك ياطيّب الساس=
يالله على بالك يافتاح الابواب=

القوم قبل المعارك يرسلون العسوس=واللي يبا يرسلك لا واضياع جهده
ماينفعك ياعلي لاصار حظك نحوس=لو انهم درّسوا من يزرعه يحصده

علي فلاح العضياني

انا ترى خلاص ما عاد أجامل=من جدّ ... مع غيرك و معك ... أتعامل
خلّك معي فالدّرب رجّال صامل=يالله على بابك يا فتّاح الابواب

كم ناس من فعل سيفي صارت بدون روس=يا جعل سلطان ... ابوه يعيش ما يفقده
يا ثقل نفسي عليكم يا خفاف النفوس=لا والله الاّ حضر معجب و غاب سعده

معجب العتيبي

مابيني وبينك يابن فالح مزوح=
تمزح على غيري وقدامي تنوح=
لكن شوف الدرب وابعد عن البوح=
يالله على بابك يافتاح الابواب=

ضاعت سيوف المعارك عقب حرب البسوس=والهرج بعض العرب لو يسمعه ينقده
ياثقل نفسك على نفسك ووجهك عبوس=ياغايبٍ عن غيابه ماحدٍ ينشده