العمــــــدة
شرهتي تلحقك يا معجب مدام ان التشره =يلحق العاقل وانا العقال شرهاتي علاها
الجناح اللي شريته منك في فندق مسره=من سحب ملكيته وبنود عقده من محاها
معجب العتيبي
معجب الشرهه من الغالين ياغالي تسره=خص لاجاته من اصحابٍ رفيعٍ مستواها
والجناح اللي دخل في ساسه من الذر ذره=علته من ساكنه والسوس ندري عن غثاها
العمــــــدة
ويش ذنب اللي بذل ماله وخيره دون شره=اسهمــه في سابك واعمار غالي مشتراها
يا طــــــــويلين اليماني جايني منكم مضره=ابركوا للحق والاشناب في ذمة لحاها
معجب العتيبي
كل سوق اله اتجاهه وانت ماتقدر تفره=ولاتضارب مع هل التدليس وتجرك وراها
من ترك سوق الخساير قلتله لله دره=والعوايد ياعميلي ماتضر اللي شراها
العمــــــدة
لا تقوله ثم اقول العاقل اللي فآل مره=ماله الا من يحجز ايده عن الخلق ووذاها
جاز زيد ولا تجازي عمر وش دخله تجره=كان عندك علم يا دكتورها تعرف دواها
معجب العتيبي
لاتضن الحكمه اللي قلتها فيها مبره=ودنا بعلاج ياعمده ولانبغا عماها
لو تركنا راعي البدعه مع الصاحي يغره=والكتب ياصاحبي تثر على عقلٍ قراها
العمــــــدة
التجارة ما تعيش الا بوسط اســـــواق حره=ان قفلت ابواب سوق البورصه مااحداً نصاها
واذهيبي عند راعي هـــــــرجة حلوه ومره=ياكل حقوق العرب وان دوروها ما عطاها
معجب العتيبي
لو بغيت السوق حره باعوا الجهال جره=وابتدا بيع المفاسد عند جهالٍ تباها
وانت عاقل قلتها مره ومره ثم مره=كيف ترضاها على نفسك ولو غيرك رضاها
« آخـــر الـــمـــشـــاركــــات »
30-Oct-2008, 11:54 PM
العرض الشجري