ناصر المرشدي
ياهل القصيد ملاعبين المسابيح=من طاح في يمناي ياعزتيله
احسب حسابك يابناخي شليويح=وانطح نحور القوم فوق الاصيله
بندر المرشدي
يلي تناد بعالي الصوت وتصيح=اربط حزامك للحمول الثقيلة
اللي يشوم ويكسب الفطر الفيح=فضله على الديرة وكل القبيلة
ناصر المرشدي
ارتاح في ضل الزحول الطحاطيح=اللي ليا زاد الحمل ترتكيله
بالله كم لك وانته تقوم وتطيح=ماعاد الك فالوقت حيلِ وحيله
بندر المرشدي
في ظل ربي ثمّ راع التماديح=اللي على الاوطان ضافي جميلة!!
والله ما أشوف إلا الحزوم الجراديح=واللي بغيت يصير بأهون وسيلة
ناصر المرشدي
الله واكبر يالراعه السواريح=لولى العصى ماعاد فيكم عقيله
ماودنا نجرحك بالهرج تجريح=لابد ماذوقك حر المليلة
بندر المرشدي
تضحك على اللي يبعدون المشاويح=وانته ما غير مناحرٍ للحليلة
يامضيع الطاسة قفتها المفاتيح=(ماودك) ...و(لابد)... ذي مستحيلة
ناصر المرشدي
الوقت يمضي والليالي مدابيح=يالثانيه ليه الدقايق قليله
يابو المنافيص الكبار الدراميح=يازينها بين العميل وعميله
بندر المرشدي
اليا جهلت انشد وجيه المفاليح=قيس الملوح مات من حب ليلة
يابو الصغّار اللي عليها تلاميح=ماني بقايل مار من ها الفصيلة
ناصر المرشدي
ياوضحها ماعاد يحتاج توضيح =اشتالها راع الشليل بشليله
يابناخي شليويح عوق المفاطيح=الهرج عن زوده يكفي قليله
« آخـــر الـــمـــشـــاركــــات »
28-Oct-2008, 09:54 PM
العرض المتطور
