ماخبلك ياللي جبت بصري تقنه... نقضت جرح العود والعود قاضي

[((الدلبحي))]

ابشر يالمنصوري بالسالفه والقصيده :
كان بصري في سنه من السنين يقوم باداء فريضه الحج،وعندما كان ينوي تقبيل الحجر الاسود وإذا باحدى الفتيات الجميلات على مقربه منه وهو في ذلك الوقت كان طاعن بالسن وعندما نظر الى هذه الفتاه وهي قريبه منه قيل انه قبلها بدل ان يقبل الحجر (والله اعلم)فقال له ابنه الذي كان معه حج ياوالدي:
فقال بصري
الخاسر اللي جاب بصـري يقنــه *** جـــدد جـروح العـود والعود قاضـــي
نهجت ابي من ربي اليــوم جنــه*** ورديت في عمياي عقب افتراضـــي
يامن يوَصفلــي على وصــف كنـه*** شقحاًشقاحه لاهـق اللون ياضــي
ياليت سني بالهوى وقــم سنــــه*** ايام مابينـي وبينـه بغاضـــي
ايام جلد الذيـب عنــدي مَحنـه*** يقنب وزرق الريش لهــن إنتفاضي
لاريحته قشـره ولاهــي مصنـــــه*** ريح النفل بمطمطمـات الفياضــي
ونهود للثــوب الحمــر يشَلعنــه*** حمرٍ ثمرهن غــــارقٍ بالبياضـــي
ومشجرٍ من ســوق هجــرٍ مغنــه*** على خياطه ناب الارداف راضــــي
وشدوا لها من زمل ابوها مضنـا*** اشقح يداري خطوته يــوم ناضــي
شوفي بعيني والخــــدم يرَكبنـــه*** ركبه عليه تمرجح بعتــراضــــي
وعزي لمن شقر البنـــي عذبنــه*** اركن على كبده مِكـاوي عراضــي

وسلامتكم