العازمي
مافيه رحمه ورافه ,,لاهل الوجيه المعابيس = والا عيال الحمايل ,,تكرم ولا والله الا
ما مال جسر الرصافه ,, للي خلاف الكواليس = يختار بين القبايل ,, واليا لطمناه ولا
سعود الدماسي
مافيه رفق ولطافه..لاهل الوجيه المفاليس=والا عيال العوايل...اكرام والهم محلا
ماحدن وصل للخلافه...من بعد مافارقت قيس=والناس فيها الهوايل...والرجم ضلعن مطلا
العازمي
الذيب قدمه خلافه ,, خاواه راع النواميس = ياراس لوكنت طايل ,, السيف بسمه يسلا
ماقول غير الحسافه ,,يامبعدين المراميس = لوكنت فالدرب حايل = يقصفك نجمٍ تجلا
سعود الدماسي
الذيب مابه مخافه...وليا لزم حادي العيس=يمك يسوي عمايل...ماراح عنه وتخلا
ياليت ماجيت قافه...العازمي صاير نحيس=ماهو راعي جمايل...ماقال مرحب وهلا
العازمي
مانته براعي حيافه ,, يادوب ترضع من الدّيس =ننشدك منته بقايل ,, كنّك من اهل المكلا
بدلتك تبغى قيافه ,, وتصير قدم النواديس = وان كان ضمن العدايل ,, كلٍ بربعه تعلا
سعود الدماسي
راع الخطا الكل شافه...طامع بروؤس القرانيس=وان عايل بالسيف عايل....يحمس على جال ملا
يالي تحب النظافه...ابدالك ابلا مقاييس=ياعود ياغصن مايل...من فوق عرقك تدلا
العازمي
لو يلتحف من لحافه ,, تلقاه روس الدبابيس = واللي يضيع القوايل ,, نسقيه سمٍّ محلا
ان كان عندك صرافه ,,كلٍ تقرّب من الكيس = دافع بشتّى الوسايل ,,لوقلت حاشا وكلا
سعود الدماسي
الوقت شان اختلافه...ولاني من اهل الدنافيس=غير وبدل بدايل...لاتل علباك تلا
قلبك يزيد ارتجافه...لاسمع صوت المراويس=ولا انته براع الاصايل...حتى براسك تعلا
« آخـــر الـــمـــشـــاركــــات »
18-Oct-2008, 12:02 PM
العرض الشجري