حاكم الغنامي
سلام الله سلام الشاعر اللي ميزته ثنتين = يعز اصحابه الغالين ولا الموت لخصامه
انا اللي مشغلٍ بالي وتفكيري ثلاث سنين =ورى معجب ليا مر الحمامه نكس اعلامه
معجب العتيبي
(هلا يامرحبا ترحيبة الغالين بالغالين)=بأبو ثنتين حاكم يوم شفنا شخطة اقلامه
ثلاث سنين صابر ليش ياحاكم يابو قلبين=على دعوا بلا برهان وين العقل والهامه
حاكم الغنامي
علامك مادريت ان العرب عن شغلكم دارين؟ =ولادل العرب للبير غير الدلو والقامه
انا ماودي ابّين واخاف اتعيبك بعدين =وتصبح سالفه تشبه غزوا صدام واعدامه
معجب العتيبي
على وضح النقا فعلي ولا لديت يم الشين=وانا من طبعي افعل فعلي اللي يرفع الهامه
تبينها وتسترها وهي مثل الجبل للعين=ماباقي غير ابن شاهين يظهرها مع افلامه
حاكم الغنامي
ليا بانت نجوم الليل جوها من ورى سارين = واثر معجب نسى ياقوم يدفن جرت اقدامه
يسريها صليب الراس من باب الشرف والدين= جزاه الله عنهم خير دايم ياصل ارحامه!!
معجب العتيبي
اعيد السالفه واشرح مقاصدها يالين تبين=ورجل ماسرق ماتنقطع يمناه وابهامه
اسريها مع اهل العرف واهل الدين والتمكين=ولا دورت رجلٍ غرته دنياه واحلامه
حاكم الغنامي
نسيت انشدك! ليش البنك يفتح عندهم فرعين؟؟!!=وانا زبني على الله ماكشفت البنك وارقامه
دواليب الدهر جابت لمعجب قومه الغادين =عسا مبروك لم الشمل مع يمناه وحزامه
معجب العتيبي
ليا من الكريم اعطا يقول الحاسدين منين=عسى الله لايجنبنا رضاه وكثرة انعامه
الا ياصاحبي حاكم علامك تتبع المقفين=وانا خابرك من ناسٍ تطوف البيت صوامه
حاكم الغنامي
ياليت الفارس اللي قادنا في معركة حطين=يجي ويجيب معه الجيش والبارود وحسامه
على مهلك حدود الصين لاتقرب حدود الصين =وانا وانته نعرف الصين في الميقاف جزامه
معجب العتيبي
انا مدري لو ان القايد المذكور جا ذالحين=تبا تمشي معه فالدين والا تترك اسلامه
عرفت الصين يارجال وسط السور في تحصين=وراع السور ماضني وصل نجده ولا شامه
« آخـــر الـــمـــشـــاركــــات »
15-Oct-2008, 07:22 PM
العرض العادي
