خريطه لقبائل جزيرة العرب اثبات للحقائق

[ابو عرب]

السلام عليكم ورحمة الله وبركاته


يالربع انتم ليش ماتسألون شيبانكم فهم اعرف من دكسون اللي ما يدري وين الله موديه حسب مايقاله ذلك الوقت من اللي هو عايش بينهم
يرسم ويخطط ومثل ماقال الرشيدي لا يعرف الا الكويت وماحولها

والا على شانه فرنجي والفرنجي برنجي على قولتهم

طبعا كتاب ديكسون فيه حقايق وفيه اخطاء كبيره جدا ومثلها خرايطه


والنعم بذباحة الحايل لطامة العايل والف نعم ونحن نعتز ونفتخر بقبيلة عتيبة العزيزه وهم اخوتنا ونحن اخوانهم في الدم والدين والارض والمصير المشترك

نجد منذ الازل يقطنه اقوام ويزاح منه اقوام لم يستقر نجد لقوم محددين وبعد قيام الدولة وتوحيدها
استقرت جميع القبايل في اماكنها والله يهني عتيبه بما استقر في ايديهم واستوطنوه من نجد
والحمد لله رب العالمين بامكان اي واحد في اكبر تجمع عتبان او غيرهم ان يسكن ويستقر ويعمل ويتجر

والله لايعيد ذلك الوقت اللي كان الحكام فيه يقوون قبايل على حساب قبايل اخرى خوفا من استفحال امرها .. قولو امين





بس ترى الوقت هذا مهوب وقت سيوف وخيل وقبيله تغير على اخرى وتسحقها وتمحقها
ان هذا الوقت ايها الاخوة الافاضل
هو وقت التكتل والاتحاد على مستوى الدول كي تكون اكبر واكبر ان الدولة التي ستبقى وحيدة في وقتنا الحاضر ستبقى ضعيفه وصغيرة مهما كان حجمها فما بالك لو كانت قبايل متشرذمة ومتناحره ويجندها الاعداء للحرب بالنيابة عنهم او لحرب بعضهم بعض حتى يضعفوا ومن ثم ابتلاعهم





نرجع لموضوعنا ههههههههههههه

بصراحه الخرايط شي مضحك ، اجل البقوم يحدون شهران والدواسر وقحطان!!


ووووين رايح يادكسون شهران ديرتهم تمتد من بيشه الى خميس مشيط وش جابهم للبقوم


شهران وقحطان يحدون سبيع من الجنوب ولا بينهم وبين البقوم حد



اعطيكم مثال من عدة امثله
انا من البقوم وحدودهم كالاتي: من الشمال والشمال الغربي عتيبه وبني الحارث على التوالي
ومن الجنوب والجنوب الغربي قبيلتا سبيع وغامد على التوالي ومن الغرب غامد ومن الشرق قبيلة سبيع

آخر تعديل ابو عرب يوم 19-Aug-2008 في 07:43 PM.