هاني خاشقجي
كان ناصر على الشعار والشعر ناقم = مانلوم الولد فالريوّس سنين لاقم
وارثٍ من جدوده سيف والحد داقم = لو للشعر جنسيه لقيته بخاري
ياناصر نصيحة روح لأفلام كرتون = ترى صالحٍ لك عدة أدوار فيها
يشوفونك العتبان وسط التلفزون = وورعانهم صورتك تضحك عليها
ناصر الجلاه
ناصر الحمدلله مرتفع عنك قدره=ومع رجال المعارف طال كفه وشبره
لاقم الريوس انته مار شوف لك دبره =لو مع الشعر جنسيه لقيته عتيبي
نصيحة بخاري شغله ينظف صحون=يعود بها هاني ترى ما نبيها
مصيبه من الصاحي يناقشه مجنون=معه كيف اسوم الطيبه واشتريها
هاني خاشقجي
قبل أشرّه عليك وقبل تشره عليّه = جتك مني هديه لاترد الهديه
كيف تمحى وسومٍ فوق خد المطيه = لو للشعر جنسيـه لقيتـه بخـاري
أجل جابك الله خابرٍ معك ماعون = هذي ليلةٍ هاني سنه يحتريها
انا امدحك يوم أشوف لك بيت موزون = لو رجول بقعاء طايله عن يديها
ناصر الجلاه
الهدايا ترجع لأهلها بالهدايا=والبخاري يحسبنه مسوي سوايا
الله اكبر ياكيف استفرسٍ الحدايا=لو للشعر جنسيه لقيته عتيبي
هذا وجهه ابن فهره مغسل بصابون=يبى النايفه لكن انا معتليها
غنيٍ عن أهل الشكشكه لو يغنون=كسبت المدايح كلها واحتويها
هاني خاشقجي
أأأخر علوم صارت ودي أنشدك عنها = يوم تومي جنازتكم بباقي كفنها
وانت ذمتك بين القوم تأكل ثمنها = لو للشعر جنسيه لقيته بخاري
مغسل عن علوم الردى كان تدرون = وناصر ترى الماء غمته مايجيها
تقوله ولكن (( تف حامض ياليمون ))= قصر كفك عن علومك اللي تبيها
ناصر الجلاه
تشذب الناس وانته حار فيك الطبيبي=تسحب جنازتك فالحزم وألا الشعيبي
كل من جا نهشها جعل عينك تشيبي=لو مع الشعر جنسيه لقيته عتيبي
علوم الردى تحرون والطيب تبطون=ولا ألك علينا حجةٍ تدعيها
ياهاني عليك اسلاف واقصاد وديون=على شان زغرات النعم تتقيها
هاني خاشقجي
لاغريبة قليل العرف هذا كلامه = طير ... ابوه الصقر قرناس وامه نعامه
فيه ريشة غراب وفيه ريشة حمامه = لو مع الشعر جنسيه لقيته بخاري
يصح الصحيح الصح وأبليس ملعون = رضاها الجلاه وصاحبه مارضيها
انا هادم الاهرام من فوق فرعووون = ليا قلتها بين الرجال احتميها
ناصر الجلاه
ابك انا شاعرٍ حقق بشعره مراده=لو تجاهد ياهاني ماانت قادر جهاده
لو تخشخش جراده ابعدي ياجراده=لو مع الشعر جنسيه لقيته عتيبي
اخذها حقيقه كاش والسيف مسنون=تجاهلت هاني والرجال احتسيها
هدمتوا ترى مالون مالون مالون=وهاذيه الاولى والاخرى تليها
هاني خاشقجي
انت نفسك كريمة بالهزال وشحيحة = بالعلوم الجزال البينّات الصحيحه
أشهد انك على العتبان مثل الفضيحه = لو مع الشعر جنسيه لقيته بخاري
أظنك مع الايام ضايق ومشحون = من اللي عسى رب العباد يهديها
انا خابرك من دون في دون في دون = بلاء أم الكباير من حدا والديها
ناصر الجلاه
مشكلتك القبيحه تسترقها سراقه=تلتمس للجزيله وانت قطاع ساقه
اشهد إنك ياهاني عقب هاذي علاقه=لو مع الشعر جنسيه لقيته عتيبي
انا كيف ابوفي مع طغم مايعرفون=ونياتهم متقلبه لعنبيها
وأنا عارفٍ أنك رجل واعي ودندون=وتلقا المطنخ معك ماتشتهيها
« آخـــر الـــمـــشـــاركــــات »
19-Aug-2008, 09:48 AM
العرض الشجري