اكتب شطر واللي بعدك يكمل البيت

[سلطان النفيعي]

السلام عليكم ورحمة الله وبركاته00

إاليكم هذه

فيهم صفات(ن)من طلبها تعنا حتى لذيذ النوم مايهتنيبه

ولكم خالص تحياتي

[مرزوق حمدان العتيبي]

..
اخي الفاضل اشهب الال
صدر البيت الذي اوردته
سابقا ولاحقا غير موزون يا عافاك الله
...
ومن اجل ذلك تم التعديل .
تحياتي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الــوآفــي]

حنا عتيبة مصدر الطيـب منـا=تعرف جميع القوم منهم عتيبـة
فينا صفات(ن)من طلبها تعنا =حتى لذيذ النوم مايهتنيبه
اهل الفعول ان كان قلنـا فعلنـا=حنا سوات الموت سلطة وهيبـة
نبطش بحد المرهفـات المسنـا=ونغير فوق المكرمـات الاديبـة
لادق زير الحرب صفٍ كملنـا=عدونـا نسقيـه مـر الغليـبـه
حنا عتيبة وانشـد القـوم عنـا=صغيرنا يذكـر بفعلـه وطيبـه
ذباحة الحايـل سعـوط المجنـا=اهل السيوف المرهفات العطيبـة
كم شيخ قومـا بالملاقـا زبنـا=نحميه لو كبرت عليه المصيبـة
ما يـوم لابقنـا ولايـوم خنـا=وخوينا يلقا الصـدور الرحيبـة
والضيف لن ميل فلاحـاد عنـا=يعرف دروب العز من غير ريبة
مال الفخر لو ينتخي غير حنـا=تاج الفخر حنا ولاهـي غريبـة
دون الخوي نشيل هـم المعنـا=ولجل الكرم نفعل فعول عجيبـه
الطيب عادتنا من اجلـه بذلنـا=نجيب شي ٍ غيرنا مـا يجيبـه
ياقشر حظ اللي طمع في ظعنـا=وياطيب حظ اللي يصيح ونجيبه
عقـال لكـن لازعلنـا جهلنـا=عدونا يوم الطـراد انعثـي بـه
نخلي ظهور الخيل كـان أقبلنـا=والمعتدي ماغير روحه ضريبـه
ميدانهـا نجـد العذيـه وطنـا=نجدٍ لنا ماخلـف نجـدٍ طليبـه
وارض الحجاز بغير شكٍ وظنـا=فيها زعيـم ٍبالوغـى ننتخيبـه
نجـد ٍخذيناهـا بسيـف امحنّـا=واللي غلبناهم رضـوا بالغليبـه
حنا عتيبه في الغفى ما طعنا= حنا هل الطولات قوم الصعيبه
على حياض الموت سقنا جملنا=وعشنا بنجدٍ مادفعنا الضريبه
لو إنــّها ماهي مذاخير أهلـنا = لكن نزلنا وسطها بالغصيبة
اي والله انا بالغصيبه نزلنا = وسجل لنا التاريخ قصّه رهيبه
خذنا سنام المجد منا ومنا = مرعاه نمشي به ونغرف قليبه
على جبال العز حنا سكنا = تاريخنا يا ناس محدن يجيبه

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[متعب بن فالح]

حنا عتيبة مصدر الطيـب منـا = تعرف جميع القوم منهم عتيبـة
فينا صفات(ن)من طلبهـا تعنـا = حتـى لذيـذ النـوم مايهتنيبـه
اهل الفعول ان كان قلنـا فعلنـا = حنا سوات الموت سلطة وهيبـة
نبطش بحد المرهفـات المسنـا = ونغير فوق المكرمـات الاديبـة
لادق زير الحرب صفٍ كملنـا = عدونـا نسقيـه مـر الغليـبـه
حنا عتيبة وانشـد القـوم عنـا = صغيرنا يذكـر بفعلـه وطيبـه
ذباحة الحايـل سعـوط المجنـا = اهل السيوف المرهفات العطيبة
كم شيخ قومـا بالملاقـا زبنـا = نحميه لو كبرت عليه المصيبـة
ما يـوم لابقنـا ولايـوم خنـا = وخوينا يلقا الصـدور الرحيبـة
والضيف لن ميل فلاحـاد عنـا = يعرف دروب العز من غير ريبة
مال الفخر لو ينتخي غير حنـا = تاج الفخر حنا ولاهـي غريبـة
دون الخوي نشيل هـم المعنـا = ولجل الكرم نفعل فعول عجيبـه
الطيب عادتنا مـن اجلـه بذلنـا = نجيب شي ٍ غيرنـا مـا يجيبـه
ياقشر حظ اللي طمع في ظعنـا = وياطيب حظ اللي يصيح ونجيبه
عقـال لكـن لازعلنـا جهلنـا = عدونا يوم الطـراد انعثـي بـه
نخلي ظهور الخيل كـان أقبلنا = والمعتدي ماغير روحه ضريبـه
ميدانهـا نجـد العذيـه وطنـا = نجدٍ لنا ماخلـف نجـدٍ طليبـه
وارض الحجاز بغير شكٍ وظنا = فيها زعيـم ٍبالوغـى ننتخيبـه
نجـد ٍخذيناهـا بسيـف امحنّـا = واللي غلبناهم رضـوا بالغليبـه
حنا عتيبه في الغفى مـا طعنـا = حنا هل الطولات قوم الصعيبـه
على حياض الموت سقنا جملنـا = وعشنا بنجدٍ مادفعنـا الضريبـه
لو إنّها ماهـي مذاخيـر أهلنـا = لكن نزلنـا وسطهـا بالغصيبـة
اي والله انـا بالغصيبـه نزلنـا = وسجل لنا التاريخ قصّه رهيبـه
خذنا سنـام المجـد منـا ومنـا = مرعاه نمشي به ونغرف قليبـه
على جبـال العـز حنـا سكنـا = تاريخنا يا ناس محـدن يجيبـه
بسلومنا كل المكارم جمعنا = ونلنا عليها غصب ماهو طليبه

[حافي نت]

اليا هل القالات قالو وقلنا
اقولنا ما هي هبوب الهبيبة