مخص فالعجمان ولا اقصد هذيل

[صالح غزاي ابو كتيفه]

السلام عليكم ورحمة الله وبركاتة

اهديكم هذه القصيدة

اللتي تصف تراث الاجداد

أنا من اللي يعشق البن والهيل=ويشوق صدري لصبة الشاذلية
كيفن مقند وسط بيض الفناجيل=نقدمه للضيف بعد التحية
سلم(ن) لأهلنا ورث جيل(ن) بعد جيل=وصية يا طيبها من وصية
أشفق على اللي يشهر السلم بالحيل=ويشدني لأهل الكرم جاذبية
أنا اشهد إن البن كيف الرياجيل=ياللي تصب البن سوقه علية
مشروبنا مافيه عيب(ن) وتضليل=يوم ألردي فالبار يدعي خوية
كيفن تغنوا بة هلا الركب والخيل=واليوم رمز شعوبنا العالمية
ما في سلوم أهل الجزيرة تباديل=حتم(ن) علينا مثل حمل الهوية
حقي عليكم يالنشامى المشاكيل=نصيحتي وأنا اعتبرها هدية
ليا شعمت النار دن المعاميل=تكفيك لو أنك بدار(ن) خلية
بعده يطيب ألك السمر والتعاليل=تزداد وان كأنك بقفر(ن) عذية
يستأهله من فعل السلم تفعيل=واحييا سلوم أجدودنا الأولية
قوم(ن) لهم في قمة العز تأهيل=وأمجادهم ما هي علينا خفية
من لوحة الماضي نشوف التفاصيل=وأذكارهم في روس الأخيار حية
وأحفادهم بالطيب ما هم مقاليل=ما نستهين القوم قوم(ن) روية
شبة الجزيرة منجع(ن) للحلاحيل=مهد العروبة منبع اليعربية
من الحجاز آليا حدود المناهيل=ومن اليمن حتى العراق الأبية
كم من رجال(ن) يبعدون المواصيل=أهل الكرم والجود وأهل الحمية
مخص فالعجمان ولا اقصد هذيل=أعمم الطيب بكل النحية
هذا وأنا من لأبتن تنحر الحيل=في ذروة الإسلام والجاهلية

[فهيد الايدا المورقي]

صالح غزاي صح لسانك



قصيده جزله



تحيتي

[مرزوق حمدان العتيبي]

..
.
صح لسانك وبيض الله وجهك على جزالتك ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الروقي فواز]

صح الله لسانك

ياصالح قصيده جزله بكل ماتعني الكلمه

تقبل تحياتي



الروقي فواز

[ابن هضلا]

صح لسانك ياصالح..قصيده جزله كعادتك

بيض الله وجهك..وننتظر منك الجديد

دمت بود

[أبو نجر النفيعي]

..

الله الله


صح لسانك يابو كتيفه . قصيده جزله ورائعه ..



أخوك

التوقيع

.....

[/عبد العزيز الجذع/]

الله الله الله.

صح لسانك ملايين يا صالح.


وفي انتظار جديدكـ

[عبد الله@العتيبي@@]

الله عليك وصح السانك وافيه وافيه

[صالح الدعجاني]

صح لسانك اخوي صالح

قصيده جزله

الله ياعاطيك الف عافيه

كفيت وفيت

[محمد بن غازي]

صح لسانك يابو غزاي ..... جزاله لا تستغرب منك وننتظر جديدك