النشمي
الليل دونك يالعصيمي وانته اتسد الطلب=وراع الوفاء والطيب يالعراف يبشر بالوفاء
خلك مثل مستور حتى تنبسط منك العرب=وكلاً يدورلك يقول اليا حضرجوي صفاء
سعود العصيمي
الليل ما يحدى الرجال اللي تفتل فالشنب= هات الوفاء ياصاحبي واطلع على ضلع الشفا
نبا نبيع ونشتري في داخل اسواق الذهب = لين الحقايق تتضح ماندرق سد الخفا
النشمي
سعود عيبه مايحكم النفس في حالة غضب=وليا بغا يمزح مع اصحابه تبين وختفا
اللي كتب واللي قراء واللي قراء واللي كتب=والعلم قتال الجهل والستر من ربك ضفا
سعود العصيمي
اليا تعبتوا مع سعود ابشر بمخلوف التعب = وان ماعفالله عنك تبلش به وتبطي ماعفا
اللي طلع واللي نزل واللي كلا واللي شرب = النور جلاي الدجى لنكان نورك ماطفا
النشمي
عجزان ياصل للعنب ويقول حامض ياعنب=يغمض عيونه و يفتح ون غفا قلبه غفا
انا ادري ان الموت حق ولاش موت بلا سبب=والنار مصدرها الحطب والوجه مايرجع قفا
سعود العصيمي
الله واكبر ياعجائب منك يادنيا العجب = نرمي وتقع فالهدف ماوقعت فوق الصفا
لاتقرب الشعله نصيحة طيعني يابو لهب = اخيّرك واختار مابين البروده والدفا
النشمي
انا ادري انك منت مثل الثلب يالحش الصعب=لو تطلع ادروب العوادي فالجبل جاك الحفا
ولوانت مثل الثعلب اللي زهرته راس الذنب= بالسيف ابقطع زهرته واقول سرحان وكفا
سعود العصيمي
انا سوات الذيب فوقك يالثبيتي لاقنب = حظك مدحدر كل ماحصلت لك سمن انكفا
انا عروقي فالثراء والراس في هام السحب= وانت بدوٍ ملحقك وقتك عذابه والجفا
« آخـــر الـــمـــشـــاركــــات »
21-Jul-2008, 12:23 AM
العرض الشجري