اي شاعررررررررررررررررررررررر

[معجب العتيبي]

الكلام اللي تقوله كل يوم ترددونه=فيكم العله قويه والدوا عند المداوي
ياعسى الله يشفي امراض التوحد والرعونه=لجل يصبح بعض خلق الله على قد الحراوي

التوقيع

[معجب العتيبي]

الزئبق الأحمر

ياسلام الله بقاف (ن) فيه كل اللي تبونه=من طواريق الحجاز الي تشوق كل هاوي
كل شاعر يفتهم فالشعر ويميز لحونه=يقرب الله لايهينه يارد العد الرهاوي

معجب العتيبي

مرحبا بلحون قافك والصفوف يجاذبونه=ان بغيت حجاز والا نجد والا ويش ناوي
جاكم الشاعر على حسب الطلب لو تسمعونه=قوم هات السالفه وابعد عن دروب المناوي

الزئبق الأحمر

البقا بلي ليا ذل الذليل يحول دونه=وان تعلا فسما يعلو على النجم السماوي
كل ماشفتو بروز اسم (ن) جديد تحاربونه=ياهل الواد الخضر قدام لايصبح سناوي

معجب العتيبي

صاحبي سلّم ولكن الشرر داخل عيونه=يالله تجنبني الشيطان ودروب البلاوي
كل ماجبتو لكم واحد فشل وتغيرونه=يامدوّرت المشاكل يامرددت الطناوي

الزئبق الأحمر

مانبا منكم شراب ولا طعام ولا معونه=يامروس فرقة الفن الاصيل الينبعاوي
متعبين اجسادكم ليل العرب ماتمرحونه=تحرسون الي تحسبونه شليويح العطاوي

معجب العتيبي

زادكم معروف واللي تشربونه تاكلونه=يامرددت الكلام اللي يسمونه غناوي
فعلنا ياصاحبي تبطون..لا..ماتاصلونه=انتبه لاتقارن الفقران بالرجل الغناوي

الزئبق الأحمر

العرب تهمز وتلمز وانت ياخي فيك بونه=ماتحرك العلوم ولا تحرك النخاوي
يالعطاوي يوم اشوفك فالمذله والمهونه=انقهر واقول ليته راح عن ربعه جلاوي

معجب العتيبي

صاحب الهمزات واللمزات ترفٍ تعرفونه=والفعول لواحد بأسمه ظهر حرٍ نداوي
العطاوي بالفعول الطيبه ماتجهلونه=وانت يالمجهول وجهك لابسٍ فوقه غطاوي

الزئبق الأحمر

درسكم ماينفهم مهما ومهما تشرحونه=وانت لاتغلط علينا ثم نعود للعزاوي
معجب الله يستر احواله حليل وينفشونه=واستغلوه العرب لنه ولد ناس وسحاوي

معجب العتيبي

البليد اتعب هل التدريس لو يدرسونه=السنين تمربه لازال وسط الفصل ثاوي
صاحب الغيره من الغيره تبا تكثر طعونه=لو يقوم ولو يحاول ماوصل للمجد قاوي

الزئبق الأحمر

بارك الله في ذكا معجب لعله مايخونه=وانت مامثلك طلع يابن عميره فالنشاوي
مير ليت القاده الساده تعبك يقدرونه=وانت لونبغا نعدد فيك ياكثر المساوي

معجب العتيبي

بارك الله فيك لو تطلب لقبك يعرّفونه=كان ماتصبح مع اهل العرف رجالٍ نحاوي
لقتنع راع الوفا بأفعاله اللي ماتخونه=تصبح النظرات عنده يالعتيبي بالتساوي

الزئبق الأحمر

الكلام الي يقوله! للحبيب يلقنونه=استرح والفتيه اخذها من اصحاب الفتاوي
ياعسا ربي يفك اسرك وقيدك يطلقونه=وانت يازاري ترى ربعك محملتك زراوي

معجب العتيبي

الكلام اللي تقوله كل يوم ترددونه=فيكم العله قويه والدوا عند المداوي
ياعسى الله يشفي امراض التوحد والرعونه=لجل يصبح بعض خلق الله على قد الحراوي